أكد الإعلامى عمرو أديب، أن مصر بلد قوية للغاية برغم ما تعرضت له فى السنوات الماضية، متابعا: "مصر دي بلد جامدة جدا.. النظام اتغير فيها مرتين فى 10 سنين.. والجيش واحد والشعب واحد.. رغم إن حوالينا أشباه دول بسبب الربيع العربى.. دول كان عندها ثروات كبيرة وبقت على الأرض وكان عندها جيوش من أكبر جيوش العالم العربي، بقت على الأرض.. ولكن انت كمصر فيك حاجة لازم تدرس.. إيه اللى خلاك واقف على رجلك لحد الآن؟".
وتساءل عمرو أديب عبر برنامج "الحكاية"، قائلا: "لو ماكنش مبارك اتنحى كانت البلد هتكون عاملة إزاى؟"، مسترسلا: "مصر كان ممكن تدخل فى حرب أهلية فى يونيو 2013.. كان قدامك مليشيات.. ولكن البلد دي فيها ثوابت هي اللى تقدر تخليها تكمل على رجليها.. وأظن إننا شفنا دروس مثبتة بصرف النظر عن ملاحظات الناس عن أى شئ.. البلد دي بعد 10 سنين والحوادث اللى حصلت لسه واقفة وماشية وماوقفتش.. 10 سنين مصر كل اللى حصلها خدوش بسيطة ومكملة لغاية دلوقتى.. مصر تنين كبير.. في أمريكا اللاتينية هزة واحدة بتحصل للبلد بتبقى على ركبها.. لكن انت ولا اتهزيت وواقف على رجلك بعد ثورتين".
وعن جهاز الشرطة، قال عمرو أديب، إن هذه الجهاز تلقى ضربة كبيرة للغاية فى يناير 2011، ورغم ذلك أصبح اليوم جهازا مختلفا تماما عما سبق، قائلا: "الشرطة خدت الضربة الكبيرة.. ولكن انت بتشوف الشرطة حاليا شرطة أخرى ومظهرها مختلف ومعتمدة على الكيف وليس الكم.. بقى فيها أحدث وسائل التكنولوجيا والنهاردة بتتكلم عن شرطة بعد 10 سنين مختلفة.. جهاز الشرطة تطور بشكل كبير جدا.. والناس اتعلمت من 25 يناير.. وبقى عايزين ندي للناس معاملة آدمية ولما يدخل الإنسان القسم مايحسش إنه خايف زي زمان".
وأشار إلى أهمية دخول الخدمات الإلكترونية فى جهاز الشرطة المصرية، قائلا: "الإخوان كانوا عايزين يفككوا الشرطة تماما بعد تلقيها الضربة فى يناير.. ولكن اليوم الشرطة بشكل مختلف تماما فى التعامل مع الناس والاعتماد على التكنولوجيا الحديثة فى التعامل مع الجريمة".
تم أضافة تعليقك سوف يظهر بعد المراجعة