دخلت الديفا سميرة سعيد قائمة التريند بأحدث أغانيها، والتى تحمل اسم "بحب معاك"، وهي أولي أغاني ألبومها الجديد، وهي من كلمات محمود طلعت، وألحان أحمد العدل، وتوزيع أحمد حسام، ومكيس وماستر إلهامى دهيمة.
وحققت الأغنية مليونا و800 ألف مشاهدة، أي ما يقارب 2 مليون مشاهدة في 4 أيام فقط، وهي الأغنية التي لاقت قبولا كبيرا لدى الجمهور، وتفاعل معها رواد مواقع التواصل الاجتماعي فيس بوك وتويتر وإنستجرام.
وتقول كلمات الأغنية:
بحب معاك
أحس الوقت بيعدي
وآخر الليل يبان بدري
وبعدين يبقى دلوقتي
وتنطق اسمي يبقى جميل
بحب معاك
ألاقي إن الوجع راحة
وأحكي كلامي بصراحة
وتسمع ليا بالراحة
وما تملش من التفاصيل
بحب تشوفني من جوه
وتقلب ضعفي ده قوة
وتبعد عني وانت قريب
وانت بعيد.. تقرب لي
وتفهم حزني من صوتي
وتقرا عينيا وسكوتي
وزي ما قلبي محتاجلك
يحس انك بتحتاج ليه
بحب معاك
اكون حرة ومسئولة
وليا وجودي مش صورة
وأحس بإن انا الاولى
وآخر وحدة تعرفها
بحب معاك
تحسسني بقيمتي كتير
وان ما بيننا حب كبير
واني بجد وش الخير
واجمل واحدة بتشوفها
بحب تشوفني من جوه
وتقلب ضعفي ده قوة
وتبعد عني وانت قريب
وانت بعيد.. تقرب لي
وتفهم حزني من صوتي
وتقرا عينيا وسكوتي
وزي ما قلبي محتاجلك
يحس إنك بتحتاج ليه
.jpeg "بحب معاك تحقق مليون و 800 ألف مشاهدة")
بحب معاك تحقق مليونا و 800 ألف مشاهدة
وتتعاون الديفا سميرة سعيد فى ألبومها الأخير مع عدد من الشعراء والملحنين، ومن الشعراء كل من: محمد القاياتي وشادي نور ودكتور محمود طلعت وأشرف أمين، رمضان محمد، أما الملحنون فتتعاون مع بلال سرور وإيهاب عبد الواحد ومحمد يحيى، حمدي الصديق، رضوان الأسمر، شادي محسن، احمد العدل، أما الموزعين فتعاونت مع محمد مصطفى، هاني يعقوب، أمير محروس، هاني ربيع، احمد حسام.
وفي وقت سابق قالت الديفا سميرة سعيد في حوارها على تليفزيون اليوم السابع: "أنا والمخرج اللبناني نضال هاني نعمل سويا منذ فترة وحققنا نجاحات كتيرة، ولما بيبقي في أي أغنية جديدة بنقعد وبسمعه الأغنية ونتناقش هنصورها أزاي وأيه الشكل اللي هظهر بيه ومهم أن الموضوع يبقي مختلف في الشكل والمحتوي وتكون حاجة جديدة ومختلفة".
تم أضافة تعليقك سوف يظهر بعد المراجعة