أجاب المطرب محمد نور على العديد من الأسئلة التى وجهت له خلال لقائه بـ"تليفزيون اليوم السابع" مع الكاتب الصحفى عمرو صحصاح رئيس قسم الفن، حيث رد على سؤال من هو المطرب الأنجح فى نجوم جيله، قائلا كلهم شاطرين، لكن لو اتكلمنا بالأقدمية يبقى عمرو دياب رقم 1 ثم تامر حسنى الثانى وحماقى الثالث.
وأضاف المطرب محمد نور خلال لقائه فى برنامج "تليفزيون اليوم السابع"، أنا مش بحب ترتيب لنفسى وكل اللى يهمنى وبحبه أن كل ما الناس تشوفنى تقولى غنوتك حلوة احنا بنحبك جدا، الشارع بالنسبة ليا هو المقياس مش ترتيب وأرقام ومشاهدات فشنك.
وعن استخدامات السوشيال ميديا قال محمد نور أنا مش بحب الناس اللى بتكتب تفاصيل حياتهم الشخصية على مواقع التواصل الاجتماعى، والمطربين والفنانين اللى بيستخدموا زعل بينه وبين زوجته وأمور شخصية من أجل تصدر التريند دى حاجة تقرف ووحشة جدا، لأن كمان إحنا فينا اللى مكفينا والمشرحة مش ناقصة قتلى عشان نشوف همومك كمان.
يذكر أن المطرب محمد نور تعاون خلال كليب أغنيته الأخيرة "جانى فى ملعبى"، مع الشاعر والملحن عزيز الشافعى والموزع إسلام ساسو، ومن إخراج بتول عرفة، وظهر نور من خلال الكليب بلوك مختلف عن أعماله السابقة، وحقق الكليب على موقع اليوتيوب أكثر من 3 ملايين مشاهدة.
تم أضافة تعليقك سوف يظهر بعد المراجعة