قال محمد شبانة، نجل شقيق عبد الحليم حافظ، إن عبد الحليم حافظ كان مهتما بإخوته كثيرا.
وأضاف في حواره لـ"تليفزيون اليوم السابع"، أعده محمد محسوب، وأجرته رغدة بكر: العندليب اهتم مرتين يكوّن أسرة، لكن مكملش، الأولى توفيت إلى رحمة الله قبل الزواج، ومرة تانية مع سعاد حسني، ولم يحدث زواج لأشياء متعددة.
وأكد أنه سيتم طرح مذكرات صوتية قريبا للعندليب، يذكر فيها أسباب عدم زواجه من سعاد حسني وبدايته معها، وقصص حبه جميعاً، وعلاقاته ببليغ حمدي وعبد الوهاب وغيرها.
وحول تأخر إذاعة المذكرات، قال: بنضف الصوت علشان يكون واضح والناس تعرف الحقائق كاملة.
وفي سياق متصل روي "شبانة" تفاصيل عدم تحلل جثة العندليب، حيث قال: "روحت دار الإفتاء وعرفنا إزاي ننقل جثمان والدي وعمي عبد الحليم بسبب المياه الجوفية، وجبنا خبراء ومهندسين، لكن لقينا المية مدخلتش ليهم بسبب الصخور، لكن فضلنا ننقلهم ونعمل عزل للمكان".
وتابع: "نزل شيخ مسجد وشيوخ تانية القبر ولقيتهم بيقولي لازم تنزل علشان تشوف بعينك، مضيفا: نزل وشدوني وشُفت حاجة جميلة، وهى إن عمي عبد الحليم نايم بشعره الأسود وخدوده ومناخيره وودانه، وكل حاجة زي ما هى سليمة متحللتش".
وأضاف: "لما سألت قالولي إنه كان بيعمل أعمال خيرة كتير جدا، ومش بيحكي عن الحكاية دي لأنه مش بيحب يظهر في الصورة".
وتابع: "كنت رافض أقول اللي شوفته، بس قالولي قول لأنها مش هتقدم ولا تأخر دي حاجة عند ربنا".
تم أضافة تعليقك سوف يظهر بعد المراجعة