قال الفنان على حميدة، إن شريط لولاكى، حقق مبيعات 80 مليون شريط، مشيرا أنه قام بشراء شقة على النيل فى محافظة الجيزة فى المكان الذى كان ينام فيه على الرصيف، وقيمة الشقة 5 مليون جنيه، وتابع قائلا:" فجأة طلع عليا ضرائب حوالى 13 مليون ونص وقمت ببيع الشقة و3 عربيات وفيلا فى مطروح وأرض عشان أسدد الضرائب، وبعت كل ما أملك ورجعت تانى أنام على الرصيف بس فى عربية جيب كانت عندى.
وأضاف الفنان على حميدة فى تصريحات لتليفزيون اليوم السابع قبل مرضه، مع الزميلة منة يحيى، قائلا:"مفيش حد ساعدنى خالص، وحطيت هدومى عند مدير أعمال لغاية ما اشتريت شقة، ومفيش حد رفع سماعة التليفون عليا وسأل فيا وقت أزمتي"، وتابع قائلا:" أنا بعتب على النجم محمد منير حبيبي صديقى، وكان بيجى عندى البيت وبروح عنده، يمكن لطيفة وحميد الشاعرى اتصلوا بيا.
وأكد حميدة، أن كل ما حصل عليه نظير أغنية لولاكى، كان 20 ألف جنيه وبالقسط، وتابع قائلا: "الراجل كان أبخل مخلوق شفته فى حياتى ولما كان بيعزمنى أنا وأصحابى يقولى تعالى الغدا عندى بكره وهات 5 كيلو لحمة وانت جى.
وأكد على حميدة أن أغنية لولاكى كانت نعمة ونقمة في نفس الوقت، مشيرا إلى أنه الشريط طلع الساعة 9 يوم 14 يوليو، والساعة 11 مكنتش أقدر اتحرك في الشارع اتشهرت فى 3 ساعات، وحميد الشاعرى قالى لو حد غيرك كان اتجن.
تم أضافة تعليقك سوف يظهر بعد المراجعة