رد محمود عبد المنعم كهربا، لاعب النادي الأهلي، على الفيديو المسرب له خلال اشتباكه مع مجموعة شباب أثناء قضائه إجازته بالساحل الشمالى، ولكن تم اكتشاف أن الفيديو تم تصويره منذ أكثر من شهرين.
ونشر محمود كهربا صورة عبر خاصية ستوري بموقع "انستجرام" وعلق قائلا، "تعلم الصمت، كلما اهتزت الصورة، وكلما ارتفع الصوت، الحكمة هى أنك تضبط النفس قدام كل التغيرات، اللي ممكن انك تشتت تركيزك، وسير نواياك".
كهربا
وكان ورد كهربا سريعاً على الفيديو عبر حسابه بموقع "فيس بوك"، ونشر فيديو يجمعه بوالدته مؤكدا أنه موجود بالوقت الحالى بالمنزل معها، وأن تسريب الفيديو بالوقت الحالي هدفه زيادة أزمته مع ناديه وجمهوره، قائلا، "أنا فى البيت مع ست الحبايب مش عايزكم تقلقوا عليا كل اللى عنده حاجه قديمه هيطلعها دلوقتى..ما هى فرصة بقى ولكن لكل حدث حديث، بسم الله الرحمن الرحيم وَيَمْكُرُونَ وَيَمْكُرُ اللَّهُ ۖ وَاللَّهُ خَيْرُ الْمَاكِرِينَ صدق الله العظيم، حسبنا الله ونعم الوكيل".
كما ظهر مصور الفيديو المنتشر قائلا، "الفيديو ده بقاله شهرين، وكل اللى حصل إن فى ناس شتموا النادى الأهلى وكهربا رد عليهم وكان بيدافع عن الأهلي، هما كانوا بيستفزوه.. ما غلطوا فى النادى الأهلى وهو مستحملش كده، ولما الموضوع زاد شوية هو قلع التيشرت عشان شدوه منه واتقطع".
تم أضافة تعليقك سوف يظهر بعد المراجعة