خالد صلاح

عمرو أديب يعلق على انتقاد قناة الجزيرة لهدم الأنفاق غير الشرعية

الجمعة، 18 سبتمبر 2020 11:11 م
عمرو أديب يعلق على انتقاد قناة الجزيرة لهدم الأنفاق غير الشرعية عمرو أديب
ماجد تمراز

مشاركة

اضف تعليقاً واقرأ تعليقات القراء

علق الإعلامي عمرو أديب على انتقاد الإخوان لمنع مصر إنشاء أنفاق عبر الحدود مع فلسطين، وقال: "الناس زعلانة إن مصر بتأمن حدودها، طب ما طبيعي اللي عاوز يدخل البلد يدخلها من فوق الأرض وبتصريح مش تحت الأرض ومتداري، هو أنا مش من حقي أني أقفل الأنفاق اللي محفورة مع غزة؟ الراجل المذيع بتاع الجزيرة وهو بيقول كدة كان بيعيط".

وأضاف عمرو أديب خلال برنامج الحكاية الذي يذاع على قناة mbc مصر: "طبيعي أن مصر تعرف من هيدخلها ومين هيخرج منها، المشكلة مشكلة سيادة ومحافظة على الحدود، تونس بتعاني الفترة دي من الإرهابيين اللي موجودين في ليبيا اللي بيعبروا الحدود وبتدخل في اشتباكات مع الأمن وبتغتال شخصيات في تونس، الجزيرة ناشرة خبر غلق الأنفاق على إنها إدانة لينا، الناس دى بتهرج".

وقال أديب: "وييجي شوية منهم يقولك الاتفاقية اللي بين مصر واليونان دي اتفاقية مش تمام ومش عاجباني، طب ما عنها ما عجبتك يا ابني، الناس دي عاوزانا نخضع زي ما دول كتير بتخضع، احنا عاوزين نعيش دولة طبيعية، ناكل ونشرب ونتعلم وشكرا".


مشاركة

اضف تعليقاً واقرأ تعليقات القراء


لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة