بعيدًا عن الرياضة وملاعبها وصالات المنافسات هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تحققت على أيديهن، ويظهرن من خلاله اهتمامهن بحياتهن الشخصية وهواياتهن، ونجمة اليوم فى برة الملعب هى ملك خفاجى لاعبة فريق سبورتنج وبطلة منتخب الاسكواش ، وتعد ومن أبرز نجمات اللعبة لما شاركت فيه من بطولات عديدة على صعيد الناشئين والشباب والدرجة الأولى، وتتألق أيضاً من حيث الشياكة والأناقة خارج صالات المنافسات.
ملك خفاجى
ما هوايتك المفضلة بعيدا عن الرياضة؟
الخروج مع أصحابى، استغل أي فرصة في وقت الفراغ للتنزه مع الأصدقاء.
ما الأكلة التى تتميزين فى طبخها؟
الملوخية، كل اللى يتذوقها من أيدى تعجبه جدا ويوقل لها طعم ومذاق مختلف ولذيذ.
لاعبة منتخب الاسكواش
من نجمك المفضل؟
نجمى المفضل الممثل الإنجليزى جوزيف مورجان.
من مطربك المفضل؟
مطرب الراب الأمريكى 6 لاك، وكذلك ذاويكند
لو لم تكونى لاعبة كنتى تتمنى تكونى إيه؟
ممثلة أو مطربة، وتقول ضاحكة لكن صوتى مش حلو.
ملك لاعبة سبورتنج
لما تتعاكسى فى الشارع.. ايه بيكون رد فعلك؟
في المواقف دى مش بعمل حاجة غير الاستحقار، أكتفى بنظرة استحقار.
مين من نجمات السينما كنتى تتمنى تكونى زيها؟
ليتون ميستر الشهيرة بدور بلير والدورف في دراما المراهقين جوزيف جيرلز.
بتحبى الملابس الكاجوال ولا الفورمال؟
أكيد بحب الكاجوال اكتر
ملك وصديقاتها
ولو هترتبطى تحبى ترتبطى برجل رياضى فى تخصصك ولا وظيفة تانية ؟
يكون رياضى أكيد عشان يفهم طبيعة الرياضة و الارتباط بالبطولات.
لو طلب منك تسيبى الرياضة هتعملى ايه؟
مش هسيب الرياضة إلا لما أكون عايزة أسيبها.
بطلة الاسكواش
تم أضافة تعليقك سوف يظهر بعد المراجعة