علق حارس مرمى الأهلى الأسبق الكابتن إكرامى الشحات والملقب بوحش إفريقيا، على موضوع تغريم شريف إكرامى في الأهلى من أجل التغيب عن التمرين ونشر تويتات، مشيرا أن نجله أخد إذن من الأهلى ومن سيد عبد الحفيظ ولا أعلم هل كانت التدوينات اعتبرها الأهلى مسيئة أم لا.
وأضاف، خلال لقائه مع إيمان الحصرى ببرنامج مساء دى إم سى: وما علاقة أن يتم تغريم من أجل رمضان صبحى في أيامنا كانت التسلية والوحيدة هي السينما وأنا كنت بحب السينما وكنت أدخل السينما مرتين في اليوم والمسرح كان صعبا بالنسبة لنا لأنه كان يحتاج إلى السهر وكل أفلامى طلعت فيها بشخصيتى ما عدا فيلم مرسى فوق ومرسى تحت.
وتابع: فيلم رجل فقد عقله وجدت فيه نفسى لأننى كنت أعمل مقالب في والدى الله يرحمه، وعملت مع مجموعة كنت أدفع فلوس علشان اتفرج عليها في السينما فريد شوقى وعادل إمام وكريمة مختار وكلهم كانوا أهلاوية ممثلين ومخرجين وعمال وكلهم كانوا يساعدوننى، وهذا كان اول فيلم وأول شوت ليا كان قصاد فريد شوقى وعادل إمام عمل معايا حاجة خلتنى أفك، هو دمه خفيف جدا وكل ما أبص في وشه أضحك وكل ما يحس بقلقى يضحكنى.
وتابع: كنت معترض على المشهد اللى شحموا فيه وشى ده خالص ولكن اقنعونى إن ده هيبقى المشهد اللى هيعلم معايا وكل ما اشوفه أضحك، وحسيت بالأبوة ناحية فريد شوقى وده من ضمن المواقف اللى حصلت بينى وبينه وموقف تانى كان جالى الغضروف وكان المفروض أنط من فوق الكرسى لكن أنا لفيت حول الكرسى وفريد شوقى اتكعبل فى الكرسى وكان هيقع.
وأكد: أن موضوع السينما مش مجالى والكورة أعطتنى كل شيء لأن أنا بنام بدرى وبصحى بدرى والوسط الفني فيه مجاملات وسهر وحفلات وأنا ماليش فيه وأنا دخلت الوسط وأنا مشهور ولا أعتقد أننى فشلت بالتجربة.
تم أضافة تعليقك سوف يظهر بعد المراجعة