أكدت رحمة الادهم شقيقة مودة الأدهم، أن الحكم الصادر ضد شقيقتها لم يكن متوقعاً، قائلة:"كنا منتظرين الرافة شوية نظراً لحداثة سنها ومابتعرفش إيه الغلط وإيه القوانين حرام تترمي مع بنات ليل جايين من كباريهات".
وتابعت باكية في مداخلة هاتفية مع برنامج " القاهرة الآن "، المذاع على فضائية العربية الحدث الذي تقدمه الاعلامية لميس الحديدي، قائلة " كل بنات جيلها بتلبس كده ؟ إيه الاغراء اللى هى عملته؟، أنا دلوقتي مش عارفة أمشي بولادي في الشارع بعد التشهير ده والكلام اللى اتقال علينا في كل حتة ؟، أختي ناجحة طول حياتها أنا مش مصدقة، وابويا مكنش مصدق وكان بيشوفها بالعافية في المحكمة.. إحنا عيلة بسيطة بناكل ونشرب ووننام مش فاهمين حاجة".
وإستطردت: "أختي كانت فاشون وجسمها حلو وهي شخصية مرحلة وضحكتها في وشها وتسعد كل من حولها حتى عندما كانت تزورنا في البيت كنا كلنا بنضحك".
ونفت أن تكون مودة هاربة من منزلها، مشيرة إلى أنها إبتعدت للتركيز في الدراسة، وكنا على إتصال دائم بها ونعرف كل تفاصيلها".
وتابعت قائلة: "هذا التطبيق مستخدم في مصر ومرخص وكل الناس بتستخدمه وهيا مكنتش تعرف القانون، وأنا بقالي ثلاثة أشهر ماشفتهاش نفسي اشوفها واقعد معاها أنا اللى ربتها على إيدي.. أبويا تعبان وأمي مريضة ومنهارة ".
تم أضافة تعليقك سوف يظهر بعد المراجعة