خالد صلاح

عمرو جمال يحكي رحلة الشفاء من كورونا ويؤكد: المواقف الصعبة بتظهر الناس

الثلاثاء، 28 يوليه 2020 08:18 م
عمرو جمال يحكي رحلة الشفاء من كورونا ويؤكد: المواقف الصعبة بتظهر الناس عمرو جمال
كتبت أسماء عمر

مشاركة

اضف تعليقاً واقرأ تعليقات القراء

استعرض عمرو جمال مهاجم النادي الأهلي المعار إلى صفوف طلائع الجيش، كواليس فترة تعرضه بإصابة فيروس كورونا المستجد، مرورًا بتحول مسحته إلى سلبية والشفاء من الفيروس التاجي، وقال الغزال: الحمد لله ربنا شفاني بعد ما عرفت اني مصاب بكورونا شوفت دعم الناس ووصلي دعوات الناس، سواء اللي اتصلوا بيا أو بعتولي رسائل، كنت في مرحلة محتاج فعلا أشوف كل الدعم ده، دعواتكم أثرت معايا.

 
 
 
 
 
 
 
 
 
 
 
 
 

تجربتي مع فيروس 🦠 كورونا 🙏

A post shared by Amr Gamal 🦌 (@_amrgamal) on

وأضاف: "محدش كبير على المرض أنا كنت عادي بتمرن في المعسكر بتاعي مع الفريق وكنت كويس لغاية ما كنا بنعمل المسحات وفوجئت إني إيجابي، وعلى طول روحت المستشفى عملت أشعة مقطعية وتحاليل دم وأظهرت عندي التهابات في الرئة واتحجزت للمستشفى تحت الملاحظة.

واصل: بشكر القائمين على المستشفى لأن الناس كلها كانت بتتعامل معاملة واحدة من غير تمييز، اتحجزت 7 أيام، أول 3 أيام كان كورس علاجي مكثف، حسيت بألم في صدري بسبب الالتهابات، ومكانش عندي أعرض تانية غير الهمدان.

وتابع: عملت المسحة الأولى بعد أول 4 أيام والحمدلله اتحولت سلبية وبعد 48 ساعة وطلعت سلبية، ورجعت لبيتي وأولادي وبشكر كل الناس اللي دعمتني.

واختتم: المواقف الصعبة بتظهر الناس وفي ناس بتتأكد انها تستحق تكون موجودة في حياتك، السنة دي كانت صعبة عليا من بدايتها بسبب ظروف الكرة وانتقال متمش، لكن إرادة ربنا أكبر من كل شىء، والحمد لله.

 


مشاركة

اضف تعليقاً واقرأ تعليقات القراء


لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة