واصلت الإعلامية رضوى الشربينى، رفضها لمنع المحجبات من نزول البحر بحجة عدم ارتدائهم مايوه، وكتبت عبر حسابها بموقع تويتر: "الواحد مش فاهم.. نفس المجتمع اللى بيقول إنها تلبس وتبقى محتشمة علشان محدش يتحرش بيها.. هو هو اللى بيطلب منها تبقى غير محتشمة علشان تبقى متحضرة ويوافقوا أنها تخرج وتنزل البحر معاهم!".
رضوى الشربينى عبر تويتر
وكانت استنكرت الإعلامية رضوى الشربينى منع المحجبات من نزول البحر فى بعض القرى السياحية، عبر حسابها بموقع تويتر، قائلة: "يعنى إيه واحدة رايحة تنزل بحر يتقال لها لأ مش هينفع علشان إنتى محجبة! رايحة تسهر مع جوزها فى حتة تتمنع من الدخول علشان هى محجبة !تيجى تشترى وحدة سكنية فى مكان المفروض إنه راقى يتقال لها لأ مش هنبيع علشان إنتى محجبة! زى ما الست اللى مش محجبة حرة.. الست المحجبة كمان حرة".
وكانت الإعلامية رضوى الشربينى أكدت أن فكرة منع المحجبات من نزول البحر وحمامات السباحة فكرة مقززة وغير مقبولة، مشيرة إلى الحجاب فرض ولا بد من احترام حرية المحجبة وغير المحجبة.
وكتبت رضوى الشربينى، عبر حسابها بموقع تويتر: "جتلى معلومة دلوقتى إنه الشواطئ بتمنع المحجبات من نزول البحر وحمامات السباحة، والحقيقة دى فكرة مقززة جدا وغير مقبولة".
وأضافت: "أولا لأنه دينيّا الحجاب فرض حتى لو كنا تاركينه، ثانيًا زى ما بنحترم حرية الست أو البنت غير المحجبة.. المفروض نحترم حرية المحجبة ونشجعها عليه مش نكرهها فيه!.
تم أضافة تعليقك سوف يظهر بعد المراجعة