قال الفنان مصطفى درويش صاحب مبادرة بيت روقة، "أنا تعبت بعد العيد وحسيت بأعراض صداع وارتفاع في درجات الحرارة ووجع بطن، وبدأت في عمل تحاليل وأشعة وتأكد إصابتى بكورونا ومريت بأيام صعبة وأصحابى وقفوا جنبى جدا".
وأضاف، خلال مداخلة هاتفية ببرنامج من مصر مع الإعلامية ريهام إبراهيم: كورونا مرض مجهول سمعنا عنه حكاوى والوحدة كمان صعبة جدا، مفيش حد تخلى عنى في الأزمة الحمد لله، اخترنا اسم روقة من حوالى سنة، وفكرنا في التجارة مع ربنا وذهبنا إلى إحدى المستشفيات، وبالفعل في جزء بيطلع للمستشفى، وبعد كده حدثت مشكلة السيول، وقررنا مساعدة الناس الموجودة في الشارع وكتبت على فيس بوك إن أي حد مش لاقى مكان يبات فيه يجيلنا أو حد يركبه تاكسى وإحنا نحاسب التاكسى ويبات ويحصل على الوجبات، وفى أزمة كورونا عملنا حملة توعية للمطاعم وأى حد ممكن ييجى بيت روقة وياكل ومفيش حساب.
وكان مصفى درويش قد شارك فى رمضان الماضى فى مسلسلين وهما خيانة عهد ليسرا، وشارك فى بطولته بيومى فؤاد وعبير صبرى وحلا شيحة وخالد سرحان، وتأليف أحمد عادل، وإخراج سامح عبد العزيز، كذلك شارك فى مسلسل بـ100 وش بطولة نيللى كريم وآسر ياسين ومجموعة كبيرة من الفنانين وتأليف عمرو الدلى، وإخراج كاملة أبو ذكرى.
تم أضافة تعليقك سوف يظهر بعد المراجعة