خالد صلاح

الرئيس يحارب مخالفات البناء.. السيسي: وقف التراخيص أمن قومى ومصلحة وطنية.. والجراج اللى مش هيشتغل هناخده".. ويؤكد للمخالفين: "هتدفعوا كويس عشان نقدر نصلح اللى حصل" والاشتراطات الجديدة فى منتهى القسوة والحزم

الأحد، 12 يوليه 2020 02:08 م
الرئيس يحارب مخالفات البناء.. السيسي: وقف التراخيص أمن قومى ومصلحة وطنية.. والجراج اللى مش هيشتغل هناخده".. ويؤكد للمخالفين: "هتدفعوا كويس عشان نقدر نصلح اللى حصل" والاشتراطات الجديدة فى منتهى القسوة والحزم الرئيس السيسى
كتب سمير حسنى - محمد عبد العظيم - محسن البديوى

مشاركة

اضف تعليقاً واقرأ تعليقات القراء

قال الرئيس عبد الفتاح السيسى، أن الدولة لن تتهاون مرة أخرى مع البناء غير المخطط أو المخالف، وأضاف الرئيس السيسى خلال كلمته فى افتتاح عدد من المشروعات القومية والمرحلة الثالثة من حى الأسمرات: "خلونا نتوقف عن البناء غير المخطط ونبدأ ننظم بلدنا.. وكل اللى عاوز شقق يأخد شقق.. والناس اللى عاوزه تأخد وتبيع للناس.. بصراحة هنكون حازمين.. واشتراطات البناء ستكون فى منتهى الحزم والقسوة.. ومش هنقدر نستحمل كده.. واستحملنا العشر السنوات".

 

وتابع الرئيس حديثه: "عايز اقولكم على حاجة.. عاوزين نوصل الطريق بتاع الوفاء والأمل حتى طريق السويس.. وكل الطرق اللى بنتكلم عليها طبقا لخطة الدولة القومية.. ودى حاجة معمولة فى مصر من 20 و30 سنة فاتوا.. عايزين ألفين وحدة لتنفيذ طريق مساحته 2 كيلو.. وهيبقى صلابة وشدة من الأجهزة من التنمية المحلية.. هدفنا حماية وطن من أننا نعيش كده.. ونسينا الصح والحياة الحقيقة للبشر".

 

وقال الرئيس عبد الفتاح السيسى، أنه نتيجة البناء غير المخطط تحت خطوط الضغط العالى، تم العمل على إزالة هذه المخاطر بما فيه خطر الضغط العالى، مشيرا إلى أنه تم تنفيذ كابلات أرضية بتكلفة 750 مليون جنيه.

 

وأضاف الرئيس السيسى، أنه لن يتم السماح للمخالفة لأنها تكون مكلفة مثل ما حدث فى كابلات الضغط العالى، مشددا على أن أى مبانى تنفذها الدولة سواء إسكان اجتماعى أو متوسط يتم تجهيز المنطقة بجوارها بشكل كامل.

 

وشدد الرئيس عبد الفتاح السيسى، على أن الدولة لن تتهاون فى عدم تنفيذ اشتراطات رخصة البناء، قائلا: "هناك من يحصل على رخصة بجراج وبعد ذلك لا يتم استخدامه كجراج، والكلام ده مش هيكون تانى.. الجراح اللى مش هيشتغل هناخده.. وهيتم نزع ملكية على الأقل فى الوضع اللى احنا فيه".

 

وتابع الرئيس:"دفعنا 50 مليار جنيه لتحسين الحياة فى القاهرة، وهناك مشاريع أخرى للتطوير.. وبالتالى لن نسمح للمخالفات مرة أخرى".

 

وقال الرئيس عبد الفتاح السيسى، إن وقف تراخيص البناء أمن قومى ومصلحة وطنية، متابعا: "دماغى فيه أوى مع الرخصة ولابد من إحكام، وده عقد بين الدولة والقائم على تنفيذ المنشأة، ولازم تنفيذ العقد، ومش هينفع أنه بعد لما يأخد التراخيص مش يعمل اللى فيها".

 

وتابع الرئيس السيسى: "محدش قال الزحمة دى هنعمل فيها، وقاعدين ننتقد الدولة.. البناء المخالف خطر حقيقى علينا.. ونظام التراخيص سوف يكون بشكل جديد تماما".

 

ووجه الرئيس عبد الفتاح السيسى، الشكر للبنوك وصندوق تحيا مصر لمساهماتهم فى مشروعات الإسكان، وكذلك وزارة الإسكان وهيئة المجتمعات العمرانية، وتحملها العبء الأكبر للخروج بالمشهد المشرف.

 

وقال الرئيس فيه مناطق إسكان اسمها زلزال واحد، وزلزال 2 وزلزال 3 .. أوضتين و أوضة وصالة.. ونريد  فتح الباب لهم للتقدم على شقق بمبالغ معقولة، بحيث أعرف أقول لوزير الدفاع زى ما اعطيتنا الأرض دى، عاوزين حتة أرض تانى من معسكرات الجيش لأجل الـ 22 ألف وحدة.. لو عاوزين يغيروا لسكن أفضل ممكن نعملهم نظم تمويل، ولو قدرنا نعمل إحلال لمنشآتهم هيكون أفضل".

 

وتابع: "أى إنسان يحتاج شقة إحنا نوعده بفضل الله سبحانه وتعالى بتوفيرها، ومش بنخلف وعودنا وهنوفر له الشقة".

 

وعلق الرئيس عبد الفتاح السيسى، على تطوير منطقة سن العجوز وإنشاء 104 عمارة بحدائق أكتوبر، وذلك خلال استعراض وزير الإسكان لعمليات التطوير، قائلًا : "سيب الصورة شوية.. دا اللى كنا فيه ودا اللى احنا راحين ليه".

 

وقال الرئيس خلال مشاركته بافتتاح عدد من المشروعات القومية: "بقول للمصريين من فضلكم متنسوش الصور دى، ومتسمحوش إنها تتكرر تانى".

 

ودعا الرئيس عبد الفتاح السيسى، المصريين إلى احترام فكر الدولة ودعمها فى استراتيجيتها لتحسين حياة المواطن، قائلا:" الرسالة خلى بالك أن الدولة لازم تفكر وكمان شعبها يحترم فكرها ويدعمه، ميعودش حد يقول انتوا بتعملوه الكلام دا ليه؟ ايه هو البديل أن نعمل كبارى فوق الكبارى ونشيل مبانى ونعمل طرق، ولا اخلى السعة اللى وصلنالها تتوقف عن كده وخلاص".

 

وقال الرئيس :"مزودناش شقة فى مصر الجديدة ومدينة نصر احنا حاولنا نحسن حياة الناس.. خلال الـ 6 سنوات انفقنا من 280 مليار جنيه..اللى عملناه علشان نحسن حياة الناس فى القاهرة ولو كنا خدنا قرار بإنشاء عاصمة من 30 سنة واتحطت الاستثمارات دى، احنا بتتكلم فى 280 مليار فى 6 سنوات تقريبا 50 مليار فى السنة"...33 مليار جنيه فى القاهرة عبارة عن شوية كبارى وشوية طرق".

 

وأكد الرئيس عدم إصدار تراخيص بناء فى بعض المناطق بمحافظة القاهرة، قائلا: "عملنا إيقاف للبناء هل كرها فى الناس ولا تضييق عليهم؟ ولا علشان مبنحبش مصلحتهم؟"، إحنا عملنا كده علشان لابد من مراجعة الكثافة الموجودة فيها علشان الناس تقدر تعيش بشكل مناسب كحد ادنى وبالتالى فيه أماكن فى القاهرة لن يصدر لها ترخيص مرة أخرى.. واشتراطات المبانى كانت بتقول 7 أدوار هيبقى دورين بس".

 

وأضاف الرئيس، "هيبقى عافية وجبر؟، لأ"، الموضوع مش كده!!"، ولكن لازم نحل المسألة عن طريق اللى احنا وصلناله كفاية عليه"، والقرار ده اتأخر 20 سنة".


مشاركة

اضف تعليقاً واقرأ تعليقات القراء


لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة