خالد صلاح

محمد عز يكشف الجوانب الخفية عن مدير أعماله بعد وفاته

الخميس، 18 يونيو 2020 08:40 م
محمد عز يكشف الجوانب الخفية عن مدير أعماله بعد وفاته محمد عز
كتب: بهاء نبيل

مشاركة

اضف تعليقاً واقرأ تعليقات القراء

كشف الفنان محمد عز، الجوانب الخفية الطيبة لمدير أعماله مينا نور الذى توفى اليوم بعد إجراء عملية جراحية، قائلا: أول ما اشتغل معايا قولتله أنا أجرى ضعيف مش معايا فلوس اديهالك، قالي أنا بحبك وعاوز اشتغل معاك وأنا معاك علي الحلوة والمرة.

وتابع: كان قد كلمته فعلاً في الحلوة والمرة في ضهرى وفي كتفى لو نجحت يطير من الفرحة ولو وقعت أو الأيام ضيقتها علينا كان أول واحد يقومنى، قسمنا الرغيف والسيجارة والفلوس، وأما كانت تزنق معايا كان يروح يستلف ويدينى ويقولي لازم يبقي شكلك كويس قدام الناس، كان بيتقطع لو حد كل حقي وكان ممكن يعمل المستحيل عشان حقي يرجعلي .

8fd7903d-4148-4aa0-804a-3894c70bae82
 
وأضاف، أقسم بالله كان يطلع اللقمه من بقه ويديهالي، وكان مآمن فيا ومصدق انى هنجح وكان دايما يقولي انا هبقي مدير أعمال أهم ممثل في مصر وكنت بضحك واقوله مش قوى يا عم كان يقولي هتشوف، مكنتش بفكر في حاجه ولا يشغلنى شئ طول ما هو موجود جنبي.

 

وأختتم حديثه، ألف رحمه ونور عليك يا حبيبي واخويا وصاحبى، ومتقلقش اللي حلمنا بيه هعمله عشان خاطرك انت بس والله، انت اكتر انسان حبيته يا مينا، ارجوكم ادعوله كان جدع وراجل مع كل الناس.

 

وكان الفنان محمد عز أعلن عن وفاة مدير أعماله مينا نور الدين خلال إجراءه عملية جراحية، حيث كتب عبر حسابه بموقع "انستجرام": "إنا لله وإنا إليه راجعون توفى إلى رحمة الله صاحبى وأخويا ومدير أعمالى مينا نور أثناء إجراء عملية جراحية، أصعب فراق يا حبيبى ربنا يرحمك ويصبرنا..أصعب لحظات حياتى .. لا إله إلا الله".


مشاركة

اضف تعليقاً واقرأ تعليقات القراء


لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة