حصرياً ولأول مرة إنفردت كاميرا فيديو 7 قناة اليوم السابع المصورة بأسرار تروى لأول مرة من داخل مقبرة الشهيد الأسطورة أحمد منسى والذى إستشهد بيد الغدر في سيناء عام 2017 ويروى هذه الأسرار الشاب الذى قام بدفنه بيديه حسب وصيته.
رضا سامح والذى يعمل بمقابر منطقة العاشر منذ 8 سنوات ويبلغ من العمر 35 عام يقول : عم أحمد المنسى كان بيجي مع والده وقالوا عايزين نبنى مقبرة ووسط ما أنا بنزل في الرملة قالى إنت إنسان محترم ولما أموت عايزك تدفنى بإيدك فرديت عليه ياعم أحمد ربنا يديك طولة العمر.
يواصل رضا سرد ما حدث يوم دفنة الشهيد قائلاً : في يوم دفنة الإسطورة المنسى كنت في البيت وواحد صاحبى إتصل بيا وقالى تعالى بسرعة في شهيد هايتدفن إسمه أحمد منسى ، أنا أول ما سمعت الأسم جيت جرى وقابلنى والده اللى قالى شوفت يا رضا أدى أحمد راح أهو وكان مواصيك إنك إنت اللى تدفنه والحمد لله دفنته كانت حلوة.
وعما وجده رضا في مقبرة الشهيد المنسى قال: أول مانزلت تربته قبل دفنه بساعتين شميت ريحة حلوة أوى أول مرة أشمها في حياتى فنديت عمى بقوله تعالى شوف ده فيه ريحة هنا جميلة أوى فلما جه بنفسه قالى دى ريحة الجنة وكل الناس بتيجى كل يوم من كل مكان تذور المنسى والناس بتحبه أوى.
وإلتقطات كاميرا فيديو7 قناة اليوم السابع المصورة لقطات من داخل مقبرة الشهيد حيث وجدت رخامة كتب عليها أحمد صابر منسى وبجوارة رخامة أخرى باسم الشهيد وائل محمد كمال قائد الكتيبة 103 .
تم أضافة تعليقك سوف يظهر بعد المراجعة