خالد صلاح

عمرو أديب تعليقا على قضية حنين حسام: "هل لازم نراجع تليفونات ولادنا بعد كده؟"

السبت، 25 أبريل 2020 02:02 ص
عمرو أديب تعليقا على قضية حنين حسام: "هل لازم نراجع تليفونات ولادنا بعد كده؟" حنين حسام
ماجد تمراز

مشاركة

اضف تعليقاً واقرأ تعليقات القراء

علق الإعلامي عمرو أديب على أزمة حنين حسام، فتاة التيك توك، والتي تم القبض عليها وتحويلها للنيابة للتحقيق معها، وقال: "على فكرة أنا مبتكلمش عن حنين أنا بتكلم عن قضية كبيرة، هل هنرجع من تاني ندور في تليفونات عيالنا ونقولهم افتحوا التلفون نشوف إيه اللي موجود فيه، الحدوتة مكررة، البنت والولد يتكسفوا يقولوا في ناس صورتنا وبتبتزنا".

وأضاف عمرو أديب: "على فكرة بيان النيابة بيدين حنين، ولو خدت براءة هتبقى قصة، مامتها بتقول لما بنتي تخرج لا يمكن نرجع نستخدم التيك توك ده، لكن الأزمة بقى هل هنمنع التيك توك عن عيالنا والناس كلها بتستعمله دلوقتي بسبب الحظر والحبسة اللي في البيت، الخوف كله على عيالنا والله، أتمنى الموضوع يخلينا نعيد حسابتنا في التعامل مع أبنائنا، لأن كل رب أسرة يقولك لا مستحيل ابني يعمل كده وهو ممكن يكون بيعمل أكتر من كده".

وأكد الإعلامي عمرو أديب، أن العلماء أكدوا أن فيروس كورونا سيعود بشكل أكبر في نهاية السنة، وقال: "الأدوية اللي قالوا إنها بتعالج فيروس كورونا طلعت كلها مش نافعة وبتمثل خطورة على الإنسان، اللي نافع دلوقتي هو العلاج بالأجسام المضادة، وفي بريطانيا في شركتين شغالين على عمل لقاح ضد فيروس كورونا، والناس ادتلهم مليارات عشان يطلعوا باللقاح في أٌقرب وقت".


مشاركة

اضف تعليقاً واقرأ تعليقات القراء


لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة