طالب النجم تامر حسنى، جمهوره ومتابعيه عبر منصات السوشيال ميديا المختلفة، الابتعاد عن التشاؤم والأفكار السلبية، مستشهدا بالآية القرآنية "فَمَا ظَنّكم بِرَبّ العَالمِين"، وتفسير ابن مسعود: "قسمًا بالله ما ظن أحد بالله ظنا إلا أعطاه ما يظن، لأن الفضل كله بيد الله".
وقال حسنى، عبر صفحته على فيسبوك: "وده يخلينا دايماً نظن بالله خير ولازم نبعد عن التشاؤم عشان التشاؤم بيخليك تبنى علاقة جذب كبيرة بينك وبين كل الأفكار السلبية ويقربهالك وتتوهم إن ربنا كتبهالك، لا ده غلط وألف غلط، لازم نكون العكس تماماً ونبنى علاقة حلوة وطاقة جذب كبيرة تجاه ما بنحب ونتمناه".
تامر حسنى
وتابع تامر: "أرجوكم اعملوا كدا صدقونى ومتيأسوش من رحمة ربنا، ربنا بيحب العبد اللحوح فى الطلب اللى مصمم ومش بييأس ومهما كانت الصعاب اللى بتعيشوها اعرفوا إن فى أصعب من كدا ممكن يحصلنا وبكتير، فنقول الحمد لله ونتفاءل، وآخر حاجة نسيبها فى مخنا تكون إيجابية، أرجوكم عشان هتبنى علاقة جذب جميلة بينكم وبين هدفكم حتى لو كان بعيد مش هتخسروا حاجة لما تكون آخر حاجة سيبتوها فى دماغكم متفائلة، وكلها ثقة فى ربنا إنه هيحققهالكم ودايماً قولوا ان شاء الله هقدر، إن شاء الله هيحصل، تفاءلوا بالخير تجدوه".
وكان النجم تامر حسنى، اعتذر مؤخرا لجماهيره فى لندن، بعد تأجيل حفله المقرر هناك بعد تفشى فيروس كورونا، مؤكدا أنه لا يريد المساهمة فى أى تجمعات كبيرة للجماهير وخاصة أن المسرح مغلق حرصا على سلامة الجماهير، لافتا إلى أنه قام بتأجيل كل حفلاته المقبلة تجنبا لانتقال العدوي.
وكتب تامر حسنى عبر حسابه بموقع "فيس بوك" :"جمهورى الغالى فى لندن وحشتونى جداً وكنت فرحان جداً بحفلنا القادم ولكن بعد تفشى الامراض بهذا الحجم فى العالم كله سامحونى مش هقدر اساهم فى تجمعات جماهيرية وخصوصاً حفلنا فى مسرح مغلق حرصاً على سلامتكم ، طلبت من كل منظمين حفلاتى فى العالم كله تأجيل كل الحفلات المقامة بأماكن مفتوحه وأماكن مغلقة وبعيداً عن سياسات البلاد فى إعلانها التفصيلى عن حالتها، أنا يربطنى بيكم محبة ومسؤولية إنسانية يشهد عليها ربنا تحتم عليا إن أكون أمين على صحتكم".
تم أضافة تعليقك سوف يظهر بعد المراجعة