قال الفنان أحمد السقا، إنه يتذكر كل أساتذته في مختلف المجالات، مضيفا أن الفنان الكبير يحيى الفخرانى كان له الفضل الأكبر في حياته.
وأضاف السقا، خلال لقائه مع الإعلامية ناردين فرج ببرنامج "التاسعة" على القناة الأولى المصرية، أن الدكتور يحيى الفخرانى مدرسة كبيرة، وعقله واسع، وعلمنى ووقف جنبى كتير، مردفا: "علمنى ازاى أبقى ممثل، وقالى إن في مدرستين من التمثيل الأولى كذاب شاطر وده بينجح والناس بتسقفله وبيأخد جوائز، والثانية السهل الممتنع وده برضه بينجح والناس بتسقفله وبيأخد جوائز".
وأشار السقا، إلى أن الفنان يحيى الفخرانى نصحنى، وقال له "خليك في السهل الممتنع"، مضيفا "قال لي في مرة أنا عاوزك تحفظ الدور وتنساه عشان لما تيجى تمثل يبقى طبيعى المدرسة الواقعية".
وتابع: "لو قعدت أتكلم عن الدكتور يحيى الفخرانى مش هيكفينا 100 حلقات ربنا يديله الصحة، وبوجه له التحية"، مضيفا:" اكتشفنى الكاتب الكبير أسامة أنور عكاشة شافنى في مسرح الشباب مع المخرج بيرم التونسى فى مسرحية فى دور صغير، وكنت بقعد على قهوة فى الإسكندرية اسمها ليالى الحلمية، وقال لى الأستاذ أسامة أنور تعاله لى بعد المسرح، وقتها كان معاه نوتة كتب اسمى وأخد رقم تليفون البيت مكنش فيه موبيل وقال لى هتصل بيك قريب، وبالفعل اتصل بيا وقال لى تعالى وقابلت الأستاذ محمد فاضل وعملت بروفات وكانت أول مرة أشوف كاميرات وكان مشهدى مع مدام فردوس عبد الحميد وهى بتدينى بالقلم".
وواصل: "مدام زوزو نبيل احتوتنى لإنى مكنتش فاهم أي حاجة، ومدام فردوس عبد الحميد وعمى محمود الجندى وعمى صلاح السعدنى وجموعة كبيرة وعلمونى كتير".
تم أضافة تعليقك سوف يظهر بعد المراجعة