قال محسن ثروت والد مروان محسن مهاجم النادي الأهلي، إن ابنه أهدر فرصة في مباراة الاتحاد ولكنه أحرز أصعب منها في مباراة الوداد في البطولة الأفريقية وسجلها في حارس دولي، كما سجل أهداف صعبة في الطلائع قبل ذلك، وتابع قائلا :"ليه هدو كل الشغل اللى عمله سواء في الدفاع أو الهجوم وعمل عرضيات ولكن هو مين من الظهيرين عمله كور عرضية مفيش حد، والمباراة كانت مقفلة لن هو أدي 10 / 10 ويكفى الجول هو اللى عمله، وهو امبارح ضيع فرصه واحدة، ليه الجرائد بتكتب محترف إضاعة الفرص، المفروض تديله دفعة.
وتابع والد مهاجم الأهلى في تصريحات لتليفزيون اليوم السابع، المدرب يثق فيه وكل تمرين بيكلمه، ولو فشل فشل زريع في مباراة الاتحاد مش هيلعبه، والناس اللى بتقول الأهلى محتاج مهاجم مش محتاج رأس حربه وعنده أكثر من لاعب هجوم على مستوى وعنده ريان ومحمد شريف وصلاح محسن وطاهر محمد طاهر وفى منتهى الجمال، وابنى بيقعد مبيتكلمش ويلعب مبيتكلمش وبيأدى اللى عليه والقادم هيكون أفضل.
وأضاف والد مهاجم الأهلى قائلا :" مروان اعتبره من أحسن لاعبى مصر، ولما بيبقي وحش بقولوا، وبقولوا خلى بالك الناس بتتذكر الأهداف وليس الأداء انما هيعمل إيه لازم اللى جنبه يساعده، ودايما بقولوا شد حيلك يا مروان واقطع فى القريبة.
مروان كسب الأهلى فى مباريات كتير جدا، فى مباراة دجلة والإسماعيلى، والجونة، كل ده يتنسى.
تم أضافة تعليقك سوف يظهر بعد المراجعة