بعيدًا عن الرياضة وملاعبها وصالات المنافسات هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تحققت على أيديهن، ويظهرن من خلاله اهتمامهن بحياتهن الشخصية وهواياتهن، ونجمة اليوم فى برة الملعب هى وردة وائل لاعبة سلة الزمالك، والتى شاركت فى بطولات عديدة على صعيد الناشئين والشباب، وتتألق أيضاً من حيث الشياكة والأناقة خارج صالات المنافسات، فكان معها الحوار التالى..
ما هوايتك المفضلة بعيدا عن الرياضة؟
سماع الموسيقى، بحب أسمع الموسيقى جدا.
ما الأكلة التى تتميزين فى طبخها؟
ورق العنب، بحب أطبخه وأكله كمان مقدرش أقاوم.
اللاعبة خارج صالات السلة
من نجمك المفضل؟
آسر ياسين، أدواره كلها حلوة.
من مطربك المفضل؟
مفيش حد معين بسمعه، أنا بسمع كل حاجة وكل الناس من أول عبد الحليم لويجز.
اللاعبة على البحر
لو لم تكونى لاعبة كنتى تتمنى تكونى إيه؟
لاعبة، لأنى مش متخيلة نفسى أكون حاجة غير لاعبة باسكت، الرياضة هدفى فى الحياة.
لما تتعاكسى فى الشارع.. إيه بيكون رد فعلك؟
لو حد عاكسني بتعصب أوى واتضايق جدا، لكن فى النهاية مش بتكلم واسكت خالص.
وردة كرة السلة
مين من نجمات السينما كنتى تتمنى تكونى زيها؟
فاتن حمامة سيدة الشاشة العربية، رقيقة جدا ومش هتتكرر.
بتحبى الملابس الكاجوال ولا الفورمال؟
الكاجوال أكيد، لكن الفورمال بيكون مرة واحدة في السنة مثلا.
وردة لاعبة السلة
ولو هترتبطى تحبى ترتبطى برجل رياضى فى تخصصك ولا وظيفة تانية؟
أكيد رياضى فى تخصصى عشان يفهمنى أكتر ويقدر ظروفى.
لو طلب منك تسيبى الرياصة هتعملى إيه؟
لأ طبعا مش هسيب الرياضة غير لو انا اللى عايزة.
وردة وائل
تم أضافة تعليقك سوف يظهر بعد المراجعة