كشف الفنان الدكتور أشرف زكي نقيب المهن التمثيلية، لبرنامج "صاحبة السعادة" عن سبب إعجابه الشديد بزوجته الفنانة روجينا ، موضحا أن الأخيرة كانت هادئة وسط أصحابها الأشقياء الذى يضم كوكبة من كبار الفنانين أمثال "حلمى – سعد – السقا – ياسر جلال – منة شلبي – منى زكي – رامز – حلى وهنا شيحة"، فضلا عن التزامها وتحملها مسؤولية أسرتها منذ أن كانت طالبة في المعهد.
وتحدث الدكتور أشرف زكى عن قصة حبه لزوجته روجينا، وكيف وقع فى حبها من أول لحظة عندما شاهدها فى المعهد مع والدتها، قائلاً: "شفتها جميلة ومؤدبة وبنت ناس وحلوة، وأول ما شفتها قلت هتجوزها، وبعد ما اتعرفت عليها قولتلها هاروح أعمل عمرة وارجع أتقدم لكِ على طول، وبعد ما رجعت من السفر على وقتنا كان مفيش موبايل ومعرفتش أوصل لبيتها، لحد ما قابلت صحبتها ووصلتنى ليها، واتفقت مع صحبتها تطلع وتنزلها، وفضلت قاعدة عندها ٤ ساعات وقالت لها تعالى نزلينى، وأول ما نزلت روجينا لقيتنى فى وشها واتصدمت، وقعدت أتكلم معاها فى العربية إنى عاوز اتجوزك وحطيت خطة لحياتنا" ثم قاطعته روجينا قائلة: "ولحد دلوقتى ماشيين على الخطة اللى حطها من زمان".
تم أضافة تعليقك سوف يظهر بعد المراجعة