أشيك سباك في مصر .. 80 سنة سباكة وقراءة روايات عربية وأجنبية .. فيديو

تجاعيد وجهه رسمتها سنوات عمره التى بلغت 80 عاما قضى عم حسن  كامل أكثر من نصف عمره يعمل في مهنة شاقة ومازال يعمل سباكا راضيا بما يقسمه الله له من رزق حتى وإن كان بضع جنيهات يوفر منها قوت يومه وأسرته المكونة من5 أفراد .

" انا عمرى 80 سنة قضيت منهم 54 سنة في شغل السباكة ولسه بشتغل وبعافر مع الحياة عشان الرزق وبحب الشباكة والجمال " هكذا بدأ عم حسن السباك كلامه مع " اليوم السابع " وقال استيقظ كل يوم في السابعة  صباحا وافطر وارتدى ملابسي واحمل حقيبتى اللي فيها عدة الشغل واتوكل علي الله  واذهب الي عملى من أجل لقمة العيش .

 وأضاف عم حسن :الشغل بيجري في دمى، ومينفعش أقعد في البيت عشان بحب الشغل والحياة، وأحيانا كثيرة أنزل أروح الشغل الخفيف بالبدلة والكرافتة، لأنى بحب الشياكة، لكن الشغل الكبير لو في تكسير له ملابس مختلفة."

وقال عم حسن: "أنا حصلت علي الابتدائية القديمة، وكان نفسي أكمل تعليمى لكن الظروف منعتنى وقتها، ولكننى أحب هواية القراءة منذ صغرى، وقرأت روايات عديدة لكتاب عرب وروايات مترجمة ولدى مكتبة كبيرة بمنزلي" .