خالد صلاح

منى زكى: "بدأت تمثيل بعمر 13 سنة ومقدرتش أشتغل حاجة تانية"

الجمعة، 13 نوفمبر 2020 10:04 م
منى زكى: "بدأت تمثيل بعمر 13 سنة ومقدرتش أشتغل حاجة تانية" منى زكى
كتب بهاء نبيل

مشاركة

اضف تعليقاً واقرأ تعليقات القراء

 

علقت الفنانة منى زكى، عن شعورها بعد غياب 4 سنوات عن السينما، قائلة: "لما قعدت بعيد كتير عن الشغل بكون مضايقة وصعبانة عليا السنين لما تعدى من غير ما أعمل شغل، وبيوحشنى شغلى أوى، لأنى أتربيت على الشغلانة وأنا أبتديت اشتغل فيها من وأنا عندى 13 سنة لغاية النهاردة، وحاولت أعمل أى حاجات تانية في الحياة ولكن لم أحب ذلك".

قال الفنان محمد فراج: "أنا حسيت أن ربنا بيكافئنى لأن أول مرة أقف مع منى زكى فى فيلم "الصندوق" الأسود وكمان بعدها أصور مسلسل "تقاطع طرق"، وقلت ده كرم كبير من ربنا وأتحمست جدا لأنها أكتر ممثلة ونجمة اشتغلت معاها واستمتعت بالشغل ده لأن لديها كم من الاحترافية فى الشغلانة لا توصف.

وأضاف محمد فراج بصحبة منى زكى فى برنامج "معكم" للإعلامية منى الشاذلى، المذاع على CBC: "لما تشتغلى مع منى زكى ولا هتحسى ولا هتشوفى النجومية اللى هى فيها ولكن بنشوف واحدة منغمسة فى وسط الشغلانة وبتموت نفسها وبتكون أقل من أى وجه جديد وخايفة وبتعمل أكتر من الناس العادية عشان الشغل".

وقالت منى زكى: "أحنا عشان أول مرة نمثل فكان أول مشهد بداية ما تقابلنا بعض فى الفيلم مش على السلم بره، وده كان مقصود عشان كنت عاوزة يفضل عدم المعرفة وميبقاش فى عيشرة بينا عشان يفضل عندى شوية خيال عن شخصية فراج اللى هى المجهولة، وطول الفيلم مكناش أصحاب".

وعن لحية فراج قال: "أنا مربى دقنى عشان الشخصية اللى هاظهر بيها فى مسلسل "تقاطع الطرق"، وكان فى ناس كتير بتسألنى هى الدقن بتاعتك ولا تركيب ومش عارف أفرح ولا أزعل وأنا مربيها من شهر ديسمبر الماضى".

 

124571575_1931425197022158_5950758989082797143_o
 

124672757_1931425143688830_8285503516092233817_o
 

124690001_1931425107022167_6102124357661426340_o
 

124575190_1931425053688839_2102315374406494660_o
 

125206662_1931425007022177_245169200895606195_o
 
 
 
منى زكى
 

منى زكى2
 

منى زكى4
 

مى زكى3
 

منى زكى وفراج
 
فيلم "الصندوق الأسود" بطولة منى زكى ومحمد فراج، ومصطفى خاطر، وشريف سلامة، وهلا السعيد وأسماء جلال، قصة وإخراج محمود كامل وسيناريو وحوار أحمد الدهان وهيثم الدهان ومن إنتاج سينرجى وأفلام مصر العالمية، ونيو سينشرى وتدور أحداثه فى إطار من الإثارة والتشويق.
 
تدور أحداث الفيلم حول  ياسمين التى تجد نفسها وحدها في مواجهة لصّين بمنزلها، يؤدي دورهما كل من محمد فراج ومصطفى خاطر، وما يزيد من خطورة موقفها أنها حامل وهو ما يعرض جنينها هو الآخر للخطر.
 
برنامج "معكم" تقدمه الإعلامى منى الشاذلى، أيام الأربعاء والخميس والجمعة من كل أسبوع، على قناة  cbc، في تمام الساعة التاسعة مساء.
 
 

مشاركة

اضف تعليقاً واقرأ تعليقات القراء


لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة