وقعوا في بعض.. خناقة طارق العوضى وغادة نجيب زوجة المذيع الفاشل هشام عبدالله تفضح الإخوان.. اتهامات متبادلة بالأخونة والأمنجة لصالح إسطنبول وتراشق بالألفاظ.. ومغردون: ده إهداء لبتوع وحدة الصف والمصالحة

اتهامات متبادلة بالأخونة وتراشق بالألفاظ وخناقة حادة اندلعت بين المحامي طارق العوضي وغادة نجيب زوجة الإخوانى الهارب هشام عبد الله، أثارت سخرية واسعة على موقع التواصل الاجتماعى "فيسبوك"، في الوقت الذي واصل فيه الطرفان الاتهامات بينهما بالأخونة والأمنجة لصالح اسطنبول.

خناقة العوضي وزوجة المذيع الفاشل هشام عبد الله تصاعدت حدتها حينما خرج الأول في مقطع فيديو هاجم فيه هشام عبد الله وزوجته غادة نجيب، كاشفا أن المذيع الهارب يتقاضى مرتب 4500 دولار شهريا على الأقل، وأنه الإخوانى وزوجته كانا يريدان العودة لمصر وطالبا من العوضي أن يجد طريقة لذلك، وسرعان ما تحولت القصة إلى اتهامات متبادلة بالأخونة ما أثار سخرية رواد السوشيال ميديا.

فويسات واسكرينات

العوضى كشف عبر الفيس بوك موجها حديثه إلى غادة نجيب وهشام عبدالله :"طب ليه بعد ما رجعت طارق عبدالجابر طلبتهم مني تراجعوا مصر وأني أشوف لكم طريقة وأنكم تقعدوا ساكتين ومش هتتكلموا في أي حاجه؟ وليه أنتي الوحيدة لما كان بيتقبض عليكي كنتي بتنزلي من العربية؟ وكمان دوركمن في تشويه الناس اللي عندكم ووصفهم بأنهم أمنجيه كلهم بشكل ممنهج ده بتعمليه لحساب مين؟ ننشر بقىء فويسات واسكرينات من على الواتس والشات".

فواصلت غادة نجيب خناقتها مع العوضي قائلة :"أنا مش هشتمت ولا اقل أدبي عشان ميتحجكش وميهربش ويعمل بلوك ده تعليق المحامى طارق العوضي عندى والمفروض أنه عنده فويسات وسكرينات مش هقولك أنت بتعمل ده لصالح مين ولا هتهمك بحاجة أنا عايزاك راجل واد كلمتك وتنشر الفويسات والاسكرينات اللي بتقول عليها ولو منشرتش الفويسات والاسكرينات يبقي السؤال انت بتكدب لصالح مين يا استاذ طارق؟".

 

اتهامات بالأخونة

زوجة الإخوانى الهارب هشام عبدالله، أضافت عبر صفحتها الشخصية على فيسبوك :"طارق العوضي عملي بلوك رغم انى قصدت مشتمهوش عشان ميبقاش له حجه وأى حد يقدر يراجع البوست السابق والتعليقات هو أدعى أننا طلبنا منه نرجع مصر وعنده فويسات واسكرينات ولأن البينة على من أدعي طالبته ينشرها ولأنه كداب طبعا راح عملي بلوك، بعتله على الوتساب رد الرد الوسخ ده وعملي بلوك، بردوا والسؤال اللي اجابته عندى، أنت يا طارق كدبت واتبليت عليا لصالح مين؟ يعنى الأمن كلفك بكده ولا أنت اتبرعت عشان تنفذ زميلك امنجى استنبول".

في سياق متصل، سخر رواد مواقع التواصل الاجتماعي، من خناقة طارق العوضي وغادة نجيب في ظل استمرار تبادل اتهامات الأخونة بينهما، مشيرين إلى أن العوضي وغادة نجيب "وقعوا" في بعض بنشر الفضائح على صفحتهما عبر الفيسبوك.

وقال أحد رواد تويتر :"طارق العوضي وغاده نجيب واقعين في بعض وخناقات لوز علي الفيس اللي فاضي يتفرج دي صفحته..."، فيما قال آخر :" أجمل حاجة في خناقة طارق العوضي مع غادة تجيب أن أول ما طارق العوضي وهو محامي وطني معارض، قال إن حي الاسمرات انجاز خرج هشام عبد الله وباقي شلة تركيا تشتمه وتخونة، منطق الاخوانجية تكون دلدول ليا، تبقى حبيبي تخرج برة السكريبت تبقى أمنجي وخاين إهداء لبتوع وحدة الصف والمصالحة".