قالت النجمة منى زكى، انا اتخضيت لما اكتشفت ان بقالى 4 سنين بعيدة عن السينما ومش مصدقة، انا كان واحشنى شغلى اوى في السينما، وطول الوقت كنت بدور على حاجة كويسة اشتغلها وأهو الحمدلله راجعة بفيلم "الصندوق الاسود".
وأضافت خلال مداخلة هاتفيه في برنامج "كلمة أخيرة" تقديم الإعلامية لميس الحديدى المذاع على قناة ON، أعتقد أن صعوبة الفيلم لأن معظمه معتمد على التلقائية ومحمود كامل كان بيشجعنا نكون تلقائيين حتى في حركة الكاميرا عشان في عنف كان لازم كل حاجة تكون تلقائية.
وتابعت، احنا صورنا وخلصنا الفيلم من قبل ما "الكورونا" تظهر في العالم كله، والفيلم هيتعرض يوم 28 من الشهر ده ويارب يعجب الناس ويكون حاجة كويسة، وأنا مبسوطة جدا بالتعامل مع محمد فراج ومصطفى خاطر وهما هايلين جدا لأن لما بيكون معاكى أشخاص موهوبة بيطلع العمل بشكل كويس جدا
وأستكملت، وقت الكورونا كنا بنصور مسلسل "تقاطع طرق"، وملحقناش نعرض رمضان لأن كان عندنا ممثلين بره مصر ولازم يجوا مصر ومكنش في طيران وبالتالي مقدرناش نكمل فقعدت نص ازمة كورونا بشتغل والنص التانى قافلة على نفسى
وكان بعد غياب عامين عن الشاشات المصرية، انطلق برنامج "كلمة أخيرة" مع الإعلامية الكبيرة لميس الحديدي، عبر شاشة ON، والذى يذاع من السبت إلى الثلاثاء، في تمام الساعة التاسعة مساءً.
وكانت الشركة المتحدة للخدمات الإعلامية، قد أعلنت عن تعاقد قناة ON العامة برئاسة ألبرت شفيق مع الإعلامية لميس الحديدي، لتعود ببرنامج جديد باسم "كلمة أخيرة مع لميس الحديدى"، وذلك بعد غياب عامين عن الشاشات المصرية.
تم أضافة تعليقك سوف يظهر بعد المراجعة