خالد صلاح

ميكب أرتيست فتاة التنمر تكشف تفاصيل جديدة حول الواقعة.. زلابية محجبة وبعد تغييرها قالت "عايزة أدخل منطقتى كدة عشان يعرفوا إنى حلوة".. البنت كانت حالتها النفسية سيئة جدا.. وإحساس حلو لما تفرح حد بعد كسره

الثلاثاء، 21 يناير 2020 02:47 م
ميكب أرتيست فتاة التنمر تكشف تفاصيل جديدة حول الواقعة.. زلابية محجبة وبعد تغييرها قالت "عايزة أدخل منطقتى كدة عشان يعرفوا إنى حلوة".. البنت كانت حالتها النفسية سيئة جدا.. وإحساس حلو لما تفرح حد بعد كسره زلابية
كتبت مريم بدر الدين

مشاركة

اضف تعليقاً واقرأ تعليقات القراء

كشفت ياسمين صبحي ميكب أرتيست فتاة التنمر، والتي لاقت قصتها رواجا كبيرا وتدعى "زلابية"، تفاصيل جديدة للقصة.

وأكدت ياسمين صبحى، أنها كانت فى حالة نفسية سيئة جدا وحاولت التخفيف عنها، مؤكدة أن كل ما كانت تتمناه هو تغيير الصورة التى ظهرت بها وجلبت لها الكثير من التعليقات السيئة مما دفع خطيبها لفسخ خطوبتها.

82580589_1263936197127606_8196560001943207936_n
 

وقالت ياسمين لـ"اليوم السابع"، "سألتها إيه اللي يفرحك" وردت "عايزة اتبسط أنا مش بالشكل ده والناس اللي بهدلتني" ولذلك قررت السفر إليها من أسيوط مخصوص وأجرنا أستوديو قريب لسكنها فى " شبرا مصر"، وطلبت مساعدة مصفف شعر صديق لي"نادر" وجاء دون أى مقابل كذلك المصور كريم يوسف.

3
 

وتابعت ياسمين،"قبل عمل الميكب قالتلى أنا خايفة شكلي ميطلعش حلو والناس تضحك عليا زي المرة اللي فاتت"، قولتلها أوعدك تطلعى حلوة، قالتلي طيب لو حلوة عايزاها تتنشر والناس تشوفها زي المرة اللي فاتت"، مضيفة :"عملتها الميكب ولبستها الروب زي العرايس واتبسطت جدا ومن كتر الفرحة قالتلى هروح كدة وعايزة ادخل منطقتي بشعري عشان الناس تعرف إن حلوة".

5
 

وأضافت ياسمين،" لما نزلت الصور مكنتش قاصدة أي حاجة ونيتي كانت خير ومش قاصدة أبدا الشو،  وكان ماماتها من فرحتها عمالة تدعيلي وكانت نفسها تفرح بيها قبل ما تموت"، لافتة إلى أن العريس الذى تخلي عنها تقدم إليها أكثر من مرة ولكن كان يتم رفضه وبعد انتشار الصور قام هو بفسخ الخظوبة.

كما كتبت ياسمين عبر حسابها على فيس بوك، "إحساس جميل لما تفرح حد بعد كسره.. البنت أصلا حلوة وأمورة بجد..أصريت إن أدور عليكي واجيلك من أسيوط للقاهره علشان بس أفرحك ولو بحاجه بسيطة.. انتي أصلا جميلة وربنا هيعوضك بشخص يستاهلك".

ومن ناحية أخرى، حرص رواد فيس بوك على دعم زلابية، ومنهم الفنانة إيناس عز الدين والتى كتبت عبر حسابها : "العروسة اللي اتريقتوا عليها قمر وبدر منور مافيش ست وحشة كل خلقة ربنا جميلة ولكن فيه ظروف وحشة بتخلي ست تهتم بنفسها اكتر من ست.. أنا فرحانة جداً بأحلى وأطيب قلب وشايفاها قمر أحلى زلابية ربنا يرزقها الخير كله".

وكانت تعرضت عروس تدعى "زلابية" بعد نشر صور خطوبتها عبر حسابها على مواقع التواصل الاجتماعي =لسيل من السخرية والعبارات الجارحة بسبب شكلها ومكياجها، ووصل الأمر إلى فسخ خطبتها.

82990924_2912493048782365_105679152081797120_n
 

 

 


مشاركة

اضف تعليقاً واقرأ تعليقات القراء

التعليقات 1

عدد الردود 0

بواسطة:

محمود العمارى

اجمل مخلوقه

انا عايز كل انسان او انسانه يكون عنده ثقة فى نفسه وانه خلقة ربنا وانه عنده جمال خاص به وانه مفيش حد احسن منه كلنا بنى أدمين واللى بتريق على حد دا انسان ناقص وغبى ومش متربي  زلابيه : انتى انسانه جميلة وربنا هيكرمك بإنسان يستاهلك صح مش الشخص اللى اتخلى عنك ده . تحياتى لكل بنت مصريه بنت بلدى بنت اصيلة  مع انى شغال فى المجال السياحى وبشوف بنات كتير من جنسيات كتير لكن بقول دايما مفيش احلى من بنات مصـــــــــــــــــــــــــــــــــــــــــــر .

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة