خالد صلاح

برعاية سوبر كورة

سوبر كورة

مائدة إفطار السيسى مع مواطنين تتحول إلى حوار من القلب.. الرئيس: "محدش بيعمل اللى بيتعمل فى مصر لوحده".. ويرد على سيدة نقلت له شكر المصريين على مبادرة "حياة كريمة":" محدش يمن على أهل مصر من خيرها"

الإثنين، 20 مايو 2019 02:29 ص
مائدة إفطار السيسى مع مواطنين تتحول إلى حوار  من القلب.. الرئيس: "محدش بيعمل اللى بيتعمل فى مصر لوحده".. ويرد على سيدة نقلت له شكر المصريين على مبادرة "حياة كريمة":" محدش يمن على أهل مصر من خيرها" السيسى
كتب محمد الجالى

مشاركة

اضف تعليقاً واقرأ تعليقات القراء

استقبل الرئيس عبد الفتاح السيسى، مجموعة من المواطنين من مختلف محافظات الجمهورية لتناول وجبة الإفطار معه في مقر إقامته الخاصة.


وكان الرئيس، وجه دعوة شخصية منه اليوم لمجموعة من المواطنين من محافظات، "القاهرة، والفيوم، والمنيا، وأسيوط، وجنوب سيناء، وبني سويف، والوادي الجديد"، وذلك في إطار حرص الرئيس الدائم على اللقاء المباشر مع المواطنين، للاستماع إليهم ولآرائهم، والحديث حول ما يشغلهم من قضايا.

وقالت إحدي السيدات للرئيس، خلال الإفطار:"دلوقتي كلنا بقينا مع بعضنا في حتة اسمها الأسمرات، إحنا كنّا قاعدين في مصر القديمة، الأسرة كلها كانت في أوضة، وحمامات مشتركة ، دلوقتي كل واحد عنده أوضة نوم وأوضة اطفال، الحياة اتغيرت خالص".

1


من جانبه، قال الرئيس السيسى:" اللي بيتعمل ده إحنا بنعمله مع بعض، محدش بيعمل اللي بيتعمل في مصر لوحده".

وقالت إحدي السيدات من سيناء:"أنا مبسوطة علشان جينا عندك يا ريس"، وهنا رد الرئيس :"أنا اللي بشكركم، لأنكم انتم قطعتم المسافة الكبيرة دي من جنوب سيناء لغاية هنا، أهلاً وسهلاً".

3

وأكد الرئيس السيسى، أن حجم المشروعات التي تمت لشمال وجنوب سيناء ووسط سيناء خلال الخمس سنوات الماضية كبيرة، مضيفاً:" انتم متتصوروش الأرقام اللي اتصرفت يعني، احنا عملنا أربع انفاق في بورسعيد اتنين وفِي إسماعيلية اتنين وهيتعمل واحد في جنوب سيناء علشان نوفر الحركة وندي فرصة للاستثمار مش للسياحة بس".

 
4

وقالت سيدة أخري للرئيس:" حضرتك لما بدأت مبادرة "حياة كريمة"، كان فيه هيئات كتير بعتت مساعدات اجتماعية وطلعنا نوزعها في الوديان ، فالناس اللي خدت من المساعدات دى بجد قعدوا يدعوا لحضرتك"، ليرد الرئيس السيسي بقوله:" وده كله من خير مصر محدش يمن على أهلها من خيرها".

وعقب الإفطار، أدلى عدد من المواطنين المتواجدين بتصريحات عن انطباعاتهم، فقال مواطن:" لغاية اللحظة دي مش مصدق.. يعني حد جميل وإنسان بمعني الكلمة وفعلاً يعني زي مابنسمع عنه بس لما جيت قعدت معاه .. لا بجد بني آدم عظيم".
 

 
7
 
وقالت مواطنة:" أنا كنت حابة أشكره لأنه شالنا من مناطق عشوائية، وحطنا في مناطق نضيفة، وكنت عايزه أشكره علي حملة 100 مليون صحة، لأنها كشفت لنا أمراض إحنا مكناش عارفينها، كان ممكن الإنسان يعيش ويموت بيها وهو ميعرفش".

وقالت فتاة أخرى:" شعرت بأنه يريد أن يسمعهم جيداً ويهتم برأي الناس ويريد التغيير للأفضل"، فيما قال مواطن آخر من سيناء عن الرئيس عقب اللقاء:" إن الرئيس رجل يفكر في الصغير والكبير ويخاف علي مصر".
 
8
 
مائدة-إفطار-السيسى-(1)
 
مائدة-إفطار-السيسى-(2)
 

 
مائدة-إفطار-السيسى-(4)
 

 
مائدة-إفطار-السيسى-(6)
 
مائدة-إفطار-السيسى-(7)
 
مائدة-إفطار-السيسى-(8)
 
مائدة-إفطار-السيسى-(9)
 

مشاركة

اضف تعليقاً واقرأ تعليقات القراء

لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة