خالد صلاح

برعاية سوبر كورة

سوبر كورة

فيديو يكشف حقيقة حملة الإخوان "اطمن انت مش لوحدك".. أطلقتها أذرع الإرهابية المسلحة.. وتسريب صوتى يوضح كيفية حصول الجماعة على تمويلات من أجهزة معادية لمصر.. وخلايا التنظيم المكونة من 100 ألف عنصر بالسوشيال ميديا

الأحد، 28 أبريل 2019 12:28 م
فيديو يكشف حقيقة حملة الإخوان "اطمن انت مش لوحدك".. أطلقتها أذرع الإرهابية المسلحة.. وتسريب صوتى يوضح كيفية حصول الجماعة على تمويلات من أجهزة معادية لمصر.. وخلايا التنظيم المكونة من 100 ألف عنصر بالسوشيال ميديا الاخوان
كامل كامل

مشاركة

اضف تعليقاً واقرأ تعليقات القراء

"اطمن انت مش لوحدك".. حملة أطلقتها جماعة الإخوان الإرهابية عبر إعلامها التى تبثه من تركيا وقطر، إسم الحملة يوحى لمستمعيه بأن الحملة لدعم المواطن المصرى، لكن الحقيقة إسم الحملة ظاهره الرحمة وباطنه الدمار الشامل، وحصول عناصر الإخوان على تمويلات من أجهزة دول معادية للدولة المصرية.

651

 

بين أيدينا فيديو خطير،  يكشف حقيقة إطلاق الإخوان حملات مثل "ثورة الغلابة" و"اطمن انت مش لوحدك"، بالإضافة إلى تسليط الضوء على الطريقة التى يحصل بها عناصر الإخوان على تمويلات ضخمة، بعد تأسيس حسابات عبر إعلام السوشيال ميديا المناهضة للدولة المصرية وأجهزتها.

يبدأ الفيديو، بإظهار مكالمات لمجموعة من عناصر جماعة الإخوان الإرهابية، يتفقون فيما بينهم على مخطط تحريضى ضد الدولة المصرية، وتأليب السوشيال ميديا ووسائل الإعلام، بالتنسيق مع مخابرات دول معادية لمصر.

1 (1)

ويكشف الفيديو، أن تصعيد الجماعة الإرهابية ضد مصر بدأ أواخر عام 2016 بما يدعى "ثورة الغلابة" التابعة للإخوانى الهارب بتركيا "ياسر العمدة"، أحد مسئولى اللجنة الإعلامية لتنظيم طلائع حسم" المسلح التابع لجماعة الإخوان، ويطلق عليه الإخوان "شاعر الثورة".

وفى جزء هام جدا من الفيديو، يتبرأ شقيق ياسر العمده منه بسبب خيانته لمصر، إذ قال محمود عبد الحليم العمدة نصا : "إحنا أسقطناه من حساباتنا لأنه خاين وجاسوس وإنسان يجب أن تسقط عنه الجنسية المصرية ولا يستحق أن يكون مصريا".

مسلسل تحريض الإخوان ضد الدولة المصرية مستمر، إذ يظهر الفيديو أنه بعدما استطاعت الدولة المصرية إحباط خطة الإخوان التى حملت عنوان "ثورة الغلابة" قام التنظيم وحلفائه بإنشاء ما يسمى بانتفاضة "اللهم ثورة"، دعا وقتها الإرهابى ياسر العمدة أعضاء الجماعة الإرهابية لتصنيع قنابل لإلقائها على سيارات الشرطة وتصنيع أدوات تخريبية، وفى تسريب صوتى له قال نصا: "إزازة لتر من دى لو اترمت من فوق على مدرعة شكرا على كده هتولع فيها هتولع فيها مفهاش كلام".

1 (2)

الإرهابيون أسرة واحدة

ولأن الطيور على أشكالها تقع، لجأ الإخوانى ياسر العمدة إلى مجموعة من الهاربين، ومنهم شخص يدعى "أبو عمر المصرى" و"أحمد أبو عمار"، وأبو عمر المصرى انضم للجماعة الإرهابية فى أواخر عام 2016 وهرب من السعودية إلى إحدى الدول الأوروبية وتم إحباط مخطط اللهم ثورة.

ويظهر الفيديو فى هذا المقطع كيف تعاملت الإخوان مع ياسر العمدة بعدما أصبح  كارت محروق، إذ دفعت لظهور غيره، ألا وهو "أحمد أبو عمار" الذى يقول فى إحدى التسريبات الصوتية له: "بالنسبة لهانى صبرى اللى هو بتاع إذاعة هنا الثورة اللى اتكلمنا فيها قبل كدة بيقولى طيب أنا عاوز أعمل حاجة فكر فيها ورد عليا قولتله ماشى وقالى عايز نكون صفحة عددها يقدر بمئات الآلاف ونبدأ بـ100 ألف ولا حاجة ونكبرها، والشيخ خالد وأكثر من شخصية تتصدر المشهد فى الانتفاضة تمام لأن طبعا إحنا عارفين هو أصلا شكله فهم - ههههههههههه - الحوار كله بتاع ياسر تمام".

وتابع أبو عمار فى الفيديو: "قالى أنا عايز أسألك سؤال لو دلوقتى أنا هجبلك دعم يقدر بمئات الآلاف وده من دول كمان مش من أشخاص بعينها أو مش من أشخاص مصريين أصلاً يعنى، تمويل ودعم من دول وكمان ممكن تدى رواتب للناس اللى هتشتغل معاك وقالى نبنى صفحة كبيرة باسم الانتفاضة ويكون عددها كبير، وزى الشيخ خالد وكذا شخصية عامة يتبنوا الانتفاضة ويشتغلوا عليها ونقويها ونزودها وحتى الموضوع يتصدر عالسوشيال والإعلام وأنا بقولك أهو هجبلك دعم من دول مش من شخصيات كمان، أنا بس هضيف جزئية علشان الكلام يبقى كله تمام والكلام ده خاص بيك بس، وكمان قالى إن فيه تواصل مع "المخابرات......"، والموضوع ده يعنى بيقول إحنا شغالين بناء على تواصل معاهم وإحنا شغالين علشان نبنى كيان ثورى كبير عالفيسبوك".

88
 

فى الفقرة التالية، يكشف صوت الإرهابى  أحمد أبو عمار عن مفاجآت من العيار الثقيل، إذ يؤكد أنهم لو احتاجوا أكثر من 100 ألف عنصر يعمل معهم على تأسيس حسابات معادية لمصر عبر الشوسيال ميديا مقابل مرتب شهرى، فلا مانع من ذلك، إذ يقول "أبو عمار": "إحنا شغالين على إننا نبنى كيان ثورى كبير جدا صفحته على الفيس تقدر بالمئات.. حاجات كثير جدا جدا تكون قوية وكبيرة.. وقالى هما اللى هيتولوا الموضوع ده سواء دعم وحتى المرتبات.. تخيل قالى حتى لو معاك 100 ألف واحد على الأرض مرتب شهرى كل يوم هيدفعلوه".

أحمد أبو عمار هو أحد عناصر الجماعات الإرهابية الهاربة بدولة ليبيا، ويعتبر الرجل الثانى بعد ياسر العمدة، أما هانى صبرى فهو أحد أعضاء الجماعات الارهابية – هارب بقطر ومؤسس ما يسمى بـ"إذاعة هنا الثورة".

1 (3)

وأصبحت حركتا "اللهم ثورة و"إذاعة هنا الثورة" تحت مسمى جديد يدعى الحركة الشعبية المصرية، وأصبحت تحت قيادة كل من أبو عمر المصرى، ممثلاً عن حركة "اللهم ثورة"، وهانى صبرى ممثلاً عن حركة إذاعة "هنا الثورة"، بناء على تعليمات وتمويل من الخارج.

وفى لقاء جمع محمد صلاح سعد، ضابط شرطة مفصول بسبب أفكاره المتطرفة - هرب إلى تركيا وانضم إلى الجماعة الإرهابية - وعلى أبو النجا - طيار مصرى هرب إلى أمريكا وأحد المسئولين عن تمويل الجماعة الإرهابية - مع ياسر العمدة من اسطنبول، ضمن دعم الثلاثى لدعوة "اطمن أنت مش لوحدك"، قال على أبو النجا "إحنا فى لقاء ثلاثى من اسطنبول علشان ندعم أنت مش لوحدك".


 

 

وقال محمد سعد: "احنا طالعين ندعم حراك اطمن أنت مش لوحدك، مضيفًا: "حد هيجى يساعدنا من بره أهلا وسهلا"، وقاطعه أبو النجا قائلا: "كان عشمنا فى الناس دى أنها تقف معانا من 2016 لما كنا بندعو لثورة الغلابة، وكان عشمنا جامد جدا فى محمد ناصر ومعتز مطر".

وقال ياسر العمدة: "النهاردة فى حاجة بتحصل لم تتم قبل ذلك.. احنا تقريبا بدأنا نتوحد كل ما كان بيطلع فى أى نشاط أو دعوة ثورية أو بث مباشر.. الكل بدأ يتواصل مع بعض.. احنا كلنا رجل واحد وماشيين فى الاتجاهات دى".

وفى وصلة نفاق، للرئيس التركى أردوغان والرئيس المعزول محمد مرسى، قال على أبو النجا واصفا أردوغان: "الرجل الشهم المخلص الخلوق واللى عنده دين وإحساس وأخلاق ومبدأ.. بيدافع عن أى مظلوم.. الزعيم والقائد الرجل اللى أشرف وأطهر إنسان شافته البشرية هو والدكتور محمد مرسى فى الوقت اللى إحنا فيه".


 

 

واستكمل ياسر عمدة: "اللى بيهاجم أردوغان هو بيهاجم أمة.. تركيا مختلفة تمامًا عن مصر.. وإحنا لسة موصلناش لواحد فى الألف من الحضارة اللى وصلت ليها تركيا فى الـ10 سنوات اللى فاتت".

وقال محمد سعد: "يعنى أنت لو بتلعب شطرنج.. فمصر تقدر تحسبها عسكرى أو بالكثير طابية.. إنما الملك هى تركيا.. واللى متمثلة فى شخص طيب أردوغان اللى ربنا يحيمه وهو سبب وجود ناس كثير فى أمان ووجود الأمة كلها".

واستكمل: "محمد مرسى كان عنده إخلاص لكن ربنا لم يكتب له الحكمة"، وقاطعه على أبو النجا قائلاً: "وكان الشعب جاهل، والحاجة الوحيدة اللى بشهد ليها أنى طرت بمحمد مرسى 4 مرات وده أكبر وسام شرف ليا فى حياتى كلها".

وتم كشف وإحباط مخططات الحركة الشعبية المصرية واطمن أنت مش لوحدك والتى كانت تهدف إلى نشر الفوضى وإثارة الشغب فى مصر.

 

مشاركة

اضف تعليقاً واقرأ تعليقات القراء

لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة