"المصريين مش بيغلبوا فى حاجة"، مقوله تنطبق على تعامل الشعب المصرى غير المتوقع مع أزماته أو رفضه لأى محاولات لاستغلاله، وهو ما حدث فى التفاعل مع الحملات المتعددة لمواجهة غلاء الأسعار فى سوق السيارات، مثل حملة "خليها تصدى"، ولكن تلك الحملة لم تكن كل شيء، فقد أطلق مجموعة من الشباب أغنية ساخرة لتشجيع المواطنين على عدم الاستسلام للأسعار الموجودة فى السوق والانتظار حتى تنخفض.
ومن بين الحلول العديد والحيل التى لجأ إليها المصريون لمواجهة غلاء أسعار السيارات، تجمع مجموعة من المشترين فى قرية أو مدينة داخل محافظة واحدة، وتوكيل واحد منهم للسفر وشراء سيارات لهم مرة واحدة من الخارج، وبالتالى يكونوا قد اشتروا السيارات بأسعارها فى بلد المنشأ وبسعر أقل بكثير من الأسعار المتداولة فى الأسواق المصرية.
خليها تصدى حيل لمواجهة غلاء الأسعار
تداول مجموعة من المدونين تلك الطريقة لشراء السيارات من الخارج وتوفير كثير من الأموال، ومن بينهم شاب اسمه محمد صبرى من محافظة المنوفية، والذى كتب تحت هاشتاج "المنوفية يا دولة"، "سبب من أسباب ركود مبيعات السيارات فى مصر بخلاف خليها تصدى، إنه فى الأقاليم الناس جمعت فلوس مع بعضها وكل 10 مثلًا بعتوا واحد منهم أوروبا مندوب عنهم يشترى ليهم عربيات زيرو من اللى سعرها هناك يتساوى مع سعر المقدم اللى هيدفعه هنا لو هياخدها قسط من مصر وكل عربية الفاتورة تطلع باسم صاحبها".
وأضاف: "مجموعة المشترين شايلين مع بعض تكاليف السفر والإقامة بتاعه اللى باعتينه هناك، الموضوع ده حصل فى أماكن كتير منها كفر الشيخ والمنوفية وأقاليم القاهرة، بمبدأ اللى يخلينى استنى الوكيل 3 أشهر أجيبها أرخص من هناك وتقفيل بلادها أنضف من التقفيل المصرى واستناها شهرين بس، واللى هناك اتفقوا فعلًا مع منافذ بيع وحجزوا عربيات وجايه فى السكة وهما راجعين خلاص ورسوم الشحن لحد المينا وهى 750 يورو للعربية + 18% رسوم وارد، وطبعا بيعرف ياخد سعر كويس لأنه جايب جملة وبيشحن مرة واحدة"، واختتم تدوينته "فعلًا المصرى ما ينضحكش عليه أبدًا، المنايفة طلعوا أوروبا وسايبين الوكيل هنا بيتخانق مع بتوع خليها تصدى، ويقولك هو مفيش غير كده.. كدة هتصدى فعلا والوكلاء هيولعوا فى نفسهم".
عدد الردود 0
بواسطة:
مشمش
حمله خليه تصدى ناجحه......حتى يتعظ حيتان تجار السيارات الذين يكسبون ما بين 30 - 40% من ثمن ابسياره
😎😁😀....انزلوا هامبورج ب شمال المانيا كمان ..ففيها سيارات مستعمله رخيصه جدا
عدد الردود 0
بواسطة:
فيه حاجة
وسؤال لولبي
هل العربيات تقفيل بلدها بتكون نفس قطع الغيار - وكمان اخبار الضمان ايه؟ ولو فيه حد مسافر قريب يجيب لناس يقوللي ويجيبلي عربية معاه
عدد الردود 0
بواسطة:
محمد رمضان على رمضان
اجمل فكره
عاش الشعب المصرى اللي ميعرفش المستحيل فكره ان كل مجموعه من كل بلد يروحوا يشتروا عربياتهم من بره بنفسهم فكره ممتازه
عدد الردود 0
بواسطة:
طارق سليمان
ويطلع مستريح
الي ها يسافر يأخذ تحويشة العمر ويسافر ولا يرجع ونبقى اشترينا الترماي بتاع إسماعيل ياسين لا نسافر كلنا مع بعض ياحبيبي
عدد الردود 0
بواسطة:
Fahmy
هل شراء العربيات يكون بالساهل كده
حقيقى ده حصل و حتدخل عادى كدة بدون مشاكل ؟؟
عدد الردود 0
بواسطة:
نادر محمد
يا حبيبى منك لة
وانت فاكر الوكيل بمصر هايسيبك تستورد 10 ولا 15 سيارة وتخرجهم من الجمرك كدة بسهولة لازم تدفع عمولة الوكيل التى لن تقل عن 10 فى المية كمان الجمارك سوف تسالك عن البطاقة الاستيرادية والسجل التجارى للمنشاة التى سوف تستوردهذا العدد الكبير من السيارات وليس سيارة واحدة للاستعمال الشخصى - خلوا بالكم ليكون هذا اسلوب جديد للنصب على الناس الطيبة
عدد الردود 0
بواسطة:
محمد عزت عمران
خليها تصدى
مش معقول تبقى السيارات فى الخارج تمنها بالملاليم وتدخل البلد بدون جمارك ويبقى تمنها أعلى من تمنها و أغلى من نسبة الربح المعقول و الأمتناع عن شراؤها أفضل وسيلة حتى تمنها ترخص وشكرا لكل من يتعاون بأيفادنا بتمنها الحقيقى فى الخارج
عدد الردود 0
بواسطة:
عمر الشريف
والله رجاله وخليها تصدى
ميه ميه وان شاء الله نجيب الوكلاء والموزعين والضلالية اللى بيؤدوهم ويدافعوا عنهم وعلى رأسهم شعبة السيارات والمستوردين وغيرهم .. للأرض وإن شاء الله ربنا يخسرهم كل اللى كسبوه السنين اللى فاتت .. وخليها تصدى ...