شاهد.. مناضلة سيناوية تحكى تفاصيل نضالها وأسباب ارتدائها الزى الإسرائيلى

قالت وداد حجاب المناضلة السيناوية، إنها بدأت النضال وعمرها 15 سنة أثناء حرب 67، مضيفة: "سعينا ورحنا لمدرسة وقولنالها لازم يكون لنا دور إيجابى، لأن الحرب على الأبواب، وخدتنا لمدير المستشفى وجابلنا دكتور يعلمنا الإسعافات الأولية نظرى وبدأنا وبعد أسبوع الحرب قامت".

وأضافت خلال لقائها ببرنامج "مساءDMC"، مع الإعلامية إيمان الحصرى، :" كنا فى حالة انهزام وإحباط، وبعد خسارتنا الحرب، ولما رحنا المستشفى يوم الحرب كانت المسافة كبيرة حوالى 300 كم، وخدناها جرى، ودخلنا ولقينا مجزرة، فوق طاقة احتمالنا، وكان لازم نرفع الروح المعنوية للمصابين".

وتابعت: "كان حظر تجوال 10 أيام محبوسين فى المستشفى، واتقطعت المياه والكهرباء، يعنى كان زى السجن، ولو لقينا لقمة فى الأرض أو شوية مية مش مشكلة، كانوا زى التجنيد، بعد ما خرجنا لبسونا جلاليب بيضاء".

وأوضحت أنها عملت فى الصحة المدرسية، وكانت تمر على المدارس، ووجدت سيدات من المجاهدين كانوا يحتاجون أوراق لعمل منشورات، موضحة أنها كانت تذهب من العريش لغزة، مردفة: "شوفت فى البالة ملابس مستوردة ولقيت لبس المجندات الإسرائيليات، واشتريته وكل مستلزماته، واشتريت كتاب عربى- عبرى عشان اتعلمت كلمات تساعدنى فى عبور الحدود، وكنت بجيب رزم الورق".