خالد صلاح

برعاية سوبر كورة

سوبر كورة

"تقيل" قصيدة جديدة لـ طارق سعيد أحمد

الجمعة، 25 يناير 2019 01:00 ص
"تقيل" قصيدة جديدة لـ طارق سعيد أحمد طارق سعيد أحمد

مشاركة

اضف تعليقاً واقرأ تعليقات القراء

لساني.. سجادة

جف!

كلام يعدي عليه

حافي

وكلام

يدوس عليه بالجزم

كنس التراب نحل وبره

وأنا عضمي زي النار

هش

غزل البنات بيمر

صور العصافير بتصوصو

ع الحيطه

جنان أو تمثيل

الوقت زي السكر بيمر

شيفاني عنيه هدوم

على كوم.. قش

خيال مقاته صايع

أو جسد

شف

مش فارقه كتير

أفكارها العسلي

كل أما طرح الشجر

عمره من عمري

خف

هكون بفكر

في صيغة تانية للزمن

وأنا مأجر لساني

قبر

الفرق كبير

بين العتمه والظلام

ومش فارق الكفر م العباده

تاني

كلام بيخلق

وكلام سياج

وكلام شبح

وكلام دش

ماانكرش

إني بدوب روحي

بضل صوابعي

في نهر النيل

كل يوم الصبح

وأنا بشرب قهوتي

وبضل ايدي التانيه

بدوب حواديت

في الشارع

كل يوم بالليل

السر فوق جبيني

محفور على جمجمتي

نقش

اتفضل كاس من دمي

إلعب معايه.. الخفى

تفاصيل أحلامك ساذجه

يا وغد

ورا الستاره.. مقص

قص الخيوط

فكك

اسمع

سمعت الرعد؟

أو دبة النمله؟

ماتسكتش

إبني لعصافير الحيطه

فوق كتفك

عش


مشاركة

اضف تعليقاً واقرأ تعليقات القراء

لا توجد تعليقات على الخبر
اضف تعليق

تم أضافة تعليقك سوف يظهر بعد المراجعة





لا تفوتك
الرجوع الى أعلى الصفحة