ناقش برنامج "كلام ستات" الذى تقدمه الإعلامية شريهان أبو الحسن، والفنانات نهال عنبر، وهيدى كرم، وندى رحمى، عبر شاشة قناة ON E، التغييرات فى الصفات الشخصية بعد الزواج.
وعلقت الفنانة ندى رحمى، قائلة" عند الخطوبة العلاقة بتاخد شكل معين.. وفترة الخطوبة ماشيين فى الشارع وبتتفرجوا على ملابس.. يقولها طب ماتيجى نشوف الفستان عامل كام ويشجعها على شرائها.. ولكن بعد الزواج لو ماشية فى الشارع فى ايدك الولاد وهو ماشى لوحده بيمد جدا جدا.. ويتكلم بعصبية ولما تتكلم على فستان عجبها فى محل يقولها مش عريان عليكى أنت خلاص كبرت على الكلام دا؟!
وقالت الفنانة نهال عنبر، إن "أى انتين مخطوبين، الشاب أول ما يفتح عربيته لخطيبته يقول صباح الخير ياحبيبتى وقلوب قلب ويحكيلها كل تفاصيل اليوم فترة الخطوبة.. وبعد سنة من الجواز يصحى الصبح مبحبش اتكلم.. انا صاحى من النوم أشرب القهوة وبعدين نتكلم.. وأول ما ينزل من البيت يمسك موبايله يحكى مع أصحابه.. تكلمه على التليفون تطمن عليه يقولها انجزى عندى شغل".
وعلقت الإعلامية شيريهان أبو الحسن قائلة:" البنات المقبلين على الزواج منزعجين.. انت وشطارتك الراجل اللى فى الخطوبة ممكن تخليه يواصل زى ما هو فى الزواج".
فيما قالت الفنانة هيدى كرم "ولسة لما تكون البنت مخطوبة.. ينزل يفتحلها الباب حاطط برفن حلو والتكييف ومظبطلها العربية ومتروقة وجو رومانسى.. بعد الجواز العربية متربة".
تم أضافة تعليقك سوف يظهر بعد المراجعة