أكد الدكتور طارق شوقى وزير التربية والتعليم والتعليم الفنى، أن الرئيس قرر أن يبنى نظاما جديدا وهو يعلم أنه لن ينتهى فى ولايته وهذا قرار صعب. وقال "شوقى": "ناس كتير اعتبرت النظام الجديد ضرب من الخيال وقالوا كل مسببات الفشل علينا، واحنا خلاص 2 ونصف مليون طالب داخلين النظام الجديد السبت القادم، وعندما نستخدم كلمة تعليم جديد نعنى أنه سيبدأ من الابتدائى ورياض الأطفال وهيكبر سنة ورا سنة ويبدأ بأسلوب شرح لرياض الأطفال".
وأضاف الوزير خلال ندوة بأحد فنادق القاهرة، "الطالب الآن بيدخل حافظ الامتحان والوزارة ليست وحدها المسئولة، وأن الطلبة المتفوقة الحاصلة على درجات عالية هى متفوقة فقط فى الحفظ وليس فى الباقى، وهذا ساهم فيه كل من الأهالى والمنظومة، والمشكلة عميقة فعلا واحنا بنقولها مش عشان ننكد على نفسنا ولكن لكى نقول كفاية كدة، وهنغير الأنظمة بالكامل وليس شبكات أو تابلت فقط؛ واحنا عشان نقدر نعرف الطلبة بتفهم ولا لأ هنسأل الطلبة فى الفهم وليس الحفظ عشان كده معندناش مشكلة أن الطالب يدخل الامتحان بالكتاب، وده هيخلى الطالب بيغير طريقة مذاكرته ويستفيد أكثر وهنديله كل المعارف فى العالم بلغة عربية".
تم أضافة تعليقك سوف يظهر بعد المراجعة