استعاد الفنان محمد صبحى، ذكرياته الفنية التى جمعته مع الفنانة الراحلة سعاد نصر، فى العديد من المسلسلات والمسرحيات، بمقطع فيديو من كواليس تصوير مسلسل "يوميات ونيس"، معلقًا عليه بشكل ساخر.
وكتب الفنان محمد صبحى: "أنا اللى بوظتها على نفسى.. إفيه اقترحه محمد صبحى وماعرفش ينفذه.. واحد مراته بتصوت وهو مسخسخ من الضحك"، أما مقطع الفيديو فهو للقاء تليفزيونى للفنانة الراحلة سعاد نصر، تشرح من خلال كواليس المشهد الذى أعيد تصويره 17 مرة خلال أحداث المسلسل.
وقالت الراحلة سعاد نصر فى ردها على سؤال المذيعة: "إفيه محمد صبحى اللى اقترحه ومقدرش ينفذه؟"، "مشهد عايزه أقوله أنا حامل وخايفه منه، وبقوم من النوم مفزوعة وبقوله حلمت حاجة فظيعة إن أنا حامل، عشان أشوف هو هيعمل إيه لو سمع خبر زى ده من خلال الحلم عشان أطبق ده فى الحقيقة".
وأضافت سعاد نصر: "بعد انتهاء التصوير محمد صبحى طلب إعادة المشهد، ولكن فى كل مرة كان يضحك"، وتابعت: "واحد مراته بتصوت وهو مسخسخ من الضحك، والمشهد اتصور 17 مرة".
محمد صبحى يستعيد ذكرياته مع سعاد نصر
مشهد من يوميات ونيس
محمد صبحى يعيد تصوير مشهد 17 مرة
محمد صبحى خلال التصوير
مشهد يجمع محمد صبحى مع سعاد نصر
تم أضافة تعليقك سوف يظهر بعد المراجعة