ناقدة الموضة داليا النادى
فى كل مهرجان او حدث مهم بنكون كلنا مستنين اطلالات المشاهير على ال red carpet ومن اهمها واشهرها مهرجان فينسيا وبصراحه اطلالات النجوم فى معظمها السنادى كانت مخيبه للامال .
هانبتدى بالاطلاله الكارثيه ل claire foy بفستان من فالنتينو الفستان الوانه مش مناسبه ابدا لل red carpet ده بالاضافه للتصميم السخيف اللى مضيع تفاصيل جسمها والكاب الاحمر الغريب اللى ومطلعها وكانها جايه من فيلم star wars والاطلاله تستاهل ٢ على ١٠ بتسريحه جدتى والميكب الباهت ده

نيجي بقى بعدها لاطلاله اوليفيا هاملتون اللى لبست فستان من j mendel الفستان كان على العارضه احلى كتير من اوليفيا لا لون الفستان ولا قصته مناسبين لجسمها ولا لون بشرتها بالاضافه انها غيرت لون الحزام عن الموديل الاساسى مما زاد الموضوع سوء ومكان خط الوسط مضيع جسمها تماما وكمان كول الفستان قديم ومكبرها فى السن وزود الاحساس تسريحه شعرها كان اداها شكل شبابى اكتر لو كان bony tail الميكاب معقول"
الممثله الايطاليه كارولينا كيرستى، بصراحه اول ما شفتها حسيت ان التراب طالع على وشى من كتر ما الموديل قدييييييم وتسعيناتى الفستان اللى من جوتشى بشكل تطريزه بقصته بالمكياج الكارثى اللى مصغر عيونها وتسريحه شعرها اللى كانها عملاها لنفسها "
فستان ناعومى واتس من مجموعه الخريف لجورج ارمنى الفستان، لونه فريش وموديله مليان حيويه وحركه تسريحه شعرها ومكياجها ولا غلطه يمكن بس الحاجه اللى معجبتنيش فى الاطلاله هيه ال clutch يمكن لو كانت بلون تانى كانت طلعت انعم وبصراحه من احلى اطلالات المهرجان".
أما شارلوت موس اختارت تلبس فستان باللون ال pink الفستان كله معمول من التل بس باين كانه cheapie شويه واعتقد انها لو كانت لبست عقد بسيط كان ادى الاطلاله شكل اقيم شويه وكمان شعرها طالع بشكل مبهدل شويه وده كمان قلل من قيمن الاطلاله بس اوكى

شارلوت لوبون مش عارفه ايه اللى هيه لابساه ده بصراحه يعنى معقول ما حدش شافها وقالها انه ده مش لبس red carpet حاسه كانها جابت ستاره وعملتها بيجاما وراحت بيها عالمهرجان بالنسبه للشعر والميكاب فهمه الحاجه الحلوه فى الموضوع صحيح ممكن نلبس boish style بس ما نروحش بيه على مهرجانات".

وأخيرا، ازابيل جولارت اللى ظهرت بفستان ميتالك من البيرتا فيرتتى الفستان مكرر جدا وتقريبا مفيش حد الا لما لبس الموديل ده غير كدا الفستان مظبوط ابدا على ازابيل وخط الوسط نازل اوى لتحت بشكل كبير والمسافه فى الجزء العلوى للفستان طالعه كبيره اوى اما الشعر والمكياج والمجوهرات فا حلوين اوى
تم أضافة تعليقك سوف يظهر بعد المراجعة