سخر الإعلامى أسامة كمال، من قيام ما يقرب من مليون راكب بالسفر للمحافظات لقضاء إجازة العيد الأضحى بالمحافظات، مضيفاً: "عيد الأضحى المبارك من المفترض أجازته للمصريين رسمياً من الإتنين المقبل، بس إيه ينزلنا الشغل يوم الأحد؟ هو أنا هاشتغل مع نفسى؟ كل الناس مأجزة يا عم فبلاها الأحد، وبما إنه بلاها الحد إيه الداعى نروح الشغل الخميس؟ فسمعت مثلاً إن أكتر من مليون واحد سافروا إمبارح بالقطار يعنى بالسلامة الناس دى ضافت الخميس للإجازة".
وأضاف فى برنامجه "مساء dmc"، اليوم الخميس، "يعنى أجازة من الأربعاء 15 أغسطس لحد الأحد 28 أغسطس، وعلى رأى اللبنانيين صحتين وعافية يا رب تستمتعوا وتتبسطوا وترجعوا مليانين طاقة للشغل بعد إجازة أسبوعين كاملين تقريباً".
ووجه كمال رسالة نارية للمسافرين قائلاً: "يا رب تكونوا قبل ما تطلعوا الأجازة تكونوا قفلتوا الشغل اللى فى إيديكم عشان يبقى ضميركم مستريح وربنا يبقى راضى عنكم سواء اللى فى مراسى وهاسيندا أو اللى فى رأس البر وبلطيم، أو اللى فى قراهم مع أسرهم".
تم أضافة تعليقك سوف يظهر بعد المراجعة