ذكر النائب مصطفى بكرى، أحد المواقف التى جمعته بالمشير محمد حسين طنطاوى، وزير الدفاع الأسبق، فى الجلسة العامة اليوم بالبرلمان، بقوله:" فى يوم من الأيام، جلست مع المشير حسين طنطاوى فى مكتبه فى نوفمبر 2011 وقلتله أنا مشفق عليك من الحملة عليك فى كل مكان، أنا عاوز الناس تمسح كل حاجة من على الحيطان، قالى سيب كل حاجة بكره الناس هتعرف الحقيقة وربنا هو اللى شاهد وهيحمينا".
وتابع "بكرى" فى كلمته أمام النواب،: " ومؤخراً فى لقاء لى معه، قالى قلتلك قبل كده ربنا هيحمينا والناس هتعرف الحقيقة"، ومضى بكرى: " وأنا أؤكد أن التاريخ سيقف طويلاً ليكتب بأحرف من نور ما أنجزناه هنا فى البرلمان"، فعقب الدكتور على عبد العال،: "ذكرت عظيم من عظماء مصر، تحمل الكثير من أجل بقاء وحفظ هذة الدولة، وهذا الرجل حقيقةً.. عسكرى محترف وأدار المرحلة الانتقالية بكثير من الحكمة و بكثير من الصبر والشجاعة".
وأوضح رئيس المجلس،: "وكل ما ذكر فى حقه من هجوم تحمله فى صبر ليقول التاريخ كلمته، هذا الشخص كُرم من الرئيس السيسى الذى دائماً ما يحفظ للرجال حقوقهم، كما كرم الرئيس البطل يوسف صديق أحد أبرز رجال ثورة 1952 ، كرمه بعدما طواه النسيان"، ثم وجه التحيه باسم مجلس النواب لهما.
عدد الردود 0
بواسطة:
صفوت نظير عطاالله
حقيقة إيه اللي ها نعرفها؟!!!!
حقيقة اللي حضرتك ها نعرفها .. الحقيقة إنك خفت من تهديدات الإخوان .. ها نولع البلد .. ها نحرق مصر .. أ رجلاً مثلك يخاف ؟! كان لديك قوات تستطيع تطويق القاهرة وغيرها من الأماكن الحساسة .. دول جبانات .. كلام بس .. لكن حضرتك خفت وسلمت لهم البلد .. هية دي الحقيقة وبلاش مراوغة .. وماكنش الشعب ينتظر منك ما فعلت وكان يعرف أنك مش خواف لكن الحقيقة اللي عاوز نعرفها مسحت كل تاريخك العسكري .. أنا كنت رجل عسكري رتبتي لا تتعدى رتبة المقدم لكن لو كنت مكانك لعملت العكس .. والسبب واضح كنت بتحمي بلدك من مصيبة .. زي اللي يدخل الحرب وعارف هوه بيعمل إيه ..
عدد الردود 0
بواسطة:
إشمعنى؟؟؟؟
لماذا؟؟؟ إتركوه فى حاله إن الله خير الشاهدين يعلم كل الخفاياأفضل من كل العباد كفاكم يرحمكم الله
حقا إنكم
عدد الردود 0
بواسطة:
احمد
طنطاوى خير واشرف واعظم من انجبته مصر والعسكرية
تحيا مصر
عدد الردود 0
بواسطة:
عمدة المقطم
الم يأتى ( بكره ) بعد حتى نعرف الحقيقة ؟
الصراحة حلوه
عدد الردود 0
بواسطة:
محمد جرجس الطبلاوى
ياسلام..... حد فاكر اغنية عبحليم حافظ.....
الوله الوله الوله ... الوله الحقيقه.... الوله باحبه باحبه من اول دقيقه.... ولا بكرى بيتكلم على حاجه تانيه؟😂😀
عدد الردود 0
بواسطة:
محمد
صاصا
مافيش فايده فيك يا صاصا دائما ما تقول اشياء و كأن انت الوحيد اللى الناس بتحكيلك ما انت منافق و كذاب طول عمرمك من ايام مبارك الى الان