فيديو.. سليمان عيد يكشف لـ"ست الحسن" مؤلف قصيدة "آنى آسف"

كشف الفنان الكوميدى سليمان عيد، عن مؤلف قصيدة "أنى آسف"، من فيلم عسكر فى المعسكر، والتى تحولت لتريند على السوشيال ميديا مؤخرا.

وقال عيد فى لقائه مع الإعلامية شريهان أبو الحسن، فى برنامج "ست الحسن" والمذاع على فضائية "ON E"، القصيدة من إبداعات المؤلف الكوميديان أحمد عبد الله، وهو واحد من المؤلفين الكوميديان الحلوين جدا وعملت معاه فيلم كباريه.

وتابع : " الضحك جاى من أن القصيدة بدأت برومانسية، إذ بحبك برغم البعد الباعد ببينى وبينك بحبك ، والنقلة بقى يا سافلة يا واطية".

وسرد عيد، موقف تعرض له فى فترة تجنيده: "كنت ظابط احتياط، مكنتش بانزل إجازات خالص، وصلاح عبدالله كان بيكتب شعر وزجل وكاتب 4 قصايد وكنت باتسلى بيهم ودخل عليا عريف وقالى انت بتعمل ايه وبعد الساعة 10 اطفى النور وقالى انت متدور مكتب الصبح، مشى شوية ورجع قاللى انت بتعمل ايه قلتله بأقرا شعر وقلتله تأليفى قالى انت عبقرى قوى، اقعد ساعتين بس سمعنى اللى انت بتكتبه".