رصدت "اليوم السابع" معاناة أهالى القابوطى الجديد وأصحاب الحظائر التى تقع على بعد 17 كيلو جنوب بورسعيد بسبب أزمة انقطاع مياه الشرب وحرمانهم من الخدمات وسط تجاهل المسئولين بالشركة القابضة لمياه الشرب والصرف الصحى الأمر الذى يدفعهم لشراء المياه.
وقال مجدى عبد الحليم صاحب حظيرة بالقابوطى الجديد: "نعانى أزمة يومية بسبب انقطاع مياه الشرب الأمر الذى يدفعنا لشرائها من أصحاب الجرارات "التنك" 1000 لتر سعره من 40 لـ 50 جنيها، وفى صراع على شراء المياه ومضطرين لشرائها عشان المواشى ولما نشتكى مفيش غير بكرة وبعده مماطلة وتسويف وإحنا اللى بندفع الثمن".
والتقط منه أحمد أبوعامر مربى مواشى ومنتج ألبان بالقابوطى، أطراف الحديث: "مستأجر حظيرة بـ10 آلاف جنيه سنويا من الحى وسددت كافة الرسوم والمصرفات ومركب عداد مياه ورغم أننا نعانى انقطاع المياه بصفة يومية محصل الشركة "القابضة " عايز 250 جنيهًا شهريا نظير الاستهلاك.. طب فين أصلا الميه مش كفاية أولادنا محرومة من كوب ماء نقى حسبنا الله ونعم الوكيل".
فيما قالت سميحة هندواى، تعول 4 أولاد وتشتكى من حرمان حظائر الـ150 مترًا من انقطاع المياه أكثر من 3 شهور: "نشترى تانك المياه بـ40 جنيها عشان نسقى البهايم وقضاء حوائجنا وولادى بيعانوا من النزلات المعوية ومفيش خدمات وشركة المياه بتغلق الخط وتطالبنا بالفلوس".
وطالب سكان القابوطى الجديد وأصحاب الحظائر المحافظ عادل الغضبان بإجراء جولة بالحظائر ليرى المأساة التى يعيشها الأهالى والمربين بسبب أزمة الميه وانعدام الخدمات.

حظيرة للأغنام بالقابوطى الجديد
.jpg)
.jpg)
حظيرة من الأغنام

سيارة ربع نقل تبيع ميله الشرب لأهالى القابوطى

صاحب حظيرة يشتكى نقطاع المياه
.jpg)
.jpg)
resized_طفلة تبحث عن قطرة ماء (2)

resized_مدخل منطقة الحظائر الجديدة جنوب بورسعيد
فيديو_mpeg4