قالت نورهان نصر عبد العظيم، تعرضت للتحرش والضرب بوسط البلد، إنها تتعرض لتهديدات من قبل أسرة الجناة، من أجل التنازل عن القضية، وتابعت:"طول الوقت يقولوا ليا مش هتاخدى حقك..وراحو المنطقة اللى وقعت فيها الحادثة وطالبوا الناس بعدم الافصاح عن أى فيديوهات".
وأضافت "نورهان"، خلال اتصال هاتفى ببرنامج "مصر النهارده"، الذى تقدمه الإعلامية رشا نبيل عبر القناة الأولى المصرية، أنها لم تتخيل يوم أن تتعرض للضرب من قبل متحرشين بالشكل الذى تعرضت له.
وكانت " نورهان" قد نشرت عبر صفحتها الشخصية على "فيس بوك"، مقطع فيديو سجلته إحدى كاميرات المراقبة، بالمنطقة محل واقعة التحرش، يظهر لحظة الاعتداء عليها من قبل الشابين.
وكتبت نورهان فى روايتها للواقعة التى تعرضت لها :"أنا فى مصيبه يا جماعة ومصيبة كبيرة كمان أنا بناشد كل الجهات المسئوله وكل الناس اللى لسه عندهم نخوة".
وأضافت:"أنا يوم الخميس الموافق 3 مايو الساعة 6.30 مساءً فى شارع هدى شعراوى وسط البلد أمام قهوة بلدى وشارع حيوى حصلى تحرش وتعدى بالضرب بكل أشكاله وسب وقذف وسحل".
وتابعت: "كنت راجعة من الجيم وماشية فحالى الساعة 6.30 أفاجئ بولدين جم واقفو قدامى وواحد فيهم قرب منى جدا وكان شكله مش طبيعى وقالى لفظ مش محترم تماما، حط أيده على جسمى وبعدته عنى وقولتله أنت شارب حاجه يا بنى ولا إيه، أفاجئ بقلم نزل على وشى و شلاليط فكل حته ف جسمى وكل ده بيحصل لمدة 10 دقايق محدش ادخل من الناس لحد ما عرفوا أنى معرفهمش خالص وإن كل ده حصل لمجرد إنى اعترضت أنه لمس جسمى، وطبعا حاولت أدافع عن نفسى وأمسك الولد المتحرش بس للأسف صاحبه ضربنى وخلاه يهرب، ووقف وقالى أهو ورينى بقى هتعملى إيه !! انتو متخيلين قمة البجاحة".
وواصلت: "ففضلت ماسكه فى الولد لحد ما ظهر أمين شرطة وطلعنا على قسم عابدين، وروحت عملت تقرير طبى، فى مستشفى أحمد ماهر الحكومى.. و طبعا جسمى مليان كدمات وإصابات وروحنا النيابة، والولد إللى فى الفيديو قال إنهم كانوا شاربين سجارة استركس وهبت على الَّبت دى!!".
تم أضافة تعليقك سوف يظهر بعد المراجعة