قال طارق شوقي وزير التربية والتعليم، إن الأموال التي أنفقتها الدولة لتطوير التعليم خلال الأعوام لم تحقق نتائج، موضحا : " إحنا أذينا ولادنا، وأنا مش هتفرج علشان أمشي المركب، أكبر جريمة ممكن نعملها إننا ما نعملش حاجة، اللي بيحصل إن الطفل بيدخل متفتح ودماغه منورة، واحنا بنطفيله كل حاجة خلال 12 سنة من التعليم ".
وأضاف "شوقي" في كلمته خلال النادي السياسي لائتلاف "دعم مصر" المنعقد الآن بحضور رئيس و قيادات الائتلاف، أن مصر في آخر قائمة التعليم المطور، يليها غينيا، وذلك لا يناسب وضع أو حجم مصر، مستعرضا عددا من بنود خطته لتطوير التعليم.
ومضى وزير التعليم فى تصريحاته قائلا : " اللى بنعمله دلوقتي، الدول بتعمله كل قرن، إحنا بنبني من الصفر، ودا أكبر استثمار في مصر خلال 50 سنة جاية".
و تابع الوزير، : " الناس كلها سابت الخطة، واتكلمت عن التابلت، أرجوكم انسوا التابلت، التابلت دا جزء صغير جدا من الخطة، أحد أدواتها، الفكرة هي تغيير نمط التعليم كله".
تم أضافة تعليقك سوف يظهر بعد المراجعة