مرضى التوحد يظهرون منذ بداية حياتهم، ولكن لجهل الكثير بالمرض وأعراضه لا يكتشفون ذلك فى أبنائهم إلا بعد وقت طويل، عندما يدخل المدرسة ويواجه صعوبات فى التعلم، لذلك كان من الضرورى وضع خريطة كاملة من الشهور تعبر عن أن الطفل قد يكون مصابا بالتوحد بحسب موقع " Helpguide" الطبى:
قبل 6 أشهر:
لا ابتسامات كبيرة.
قبل 9 أشهر:
لا يوجد تبادل للأصوات أو تعبيرات الوجه.
قبل 12 شهرًا:
- عدم وجود استجابة للاسم.
- لا توجد إيماءات مثل التأشير أو التلويح.
قبل 16 شهرا:
لا توجد كلمات منطوقة.
قبل 24 شهرًا:
لا توجد عبارات ذات معنى مع تكرارها.
عدد الردود 0
بواسطة:
بنت مصرية
عباقرة لا يشعر بهم أحد !!
على فكرة الطفل الأوتيزم أو الأنسان الأوتيزم مش غبى ولا متخلف عقليا زى ما الكل فاكر , بالعكس ده نسبة ذكائه وتركيزه عالية جدااا , ولو اتفهم واتوجه صح من أسرته ومجتمعه بيبقى عبقرى فى مجالات كتيرة مش سهل يبرع فيها الأنسان العادى , زى الفنون التشكيلية والكتابة بأنواعها , الهندسة وعلوم الرياضيات والفيزيا , علوم الفضاء والكيميا والألكترونيات , الحاجات المعقدة اللى كلنا بنشوفها صعبة ورخمة بالنسبة له هو بتكون متعة وابداع حقيقى , الأوتيزم عبقرى بس محدش بيفهمه ولا بيساعدة فى تنمية عبقريته دى والأستفادة منها , خصوصا مع تدهور مستوى التعليم عندنا اللى مبيساعدش حتى الطفل العادى , وتعامل الأهل والمجتمع اللى بيعتبروا الأوتيزم ده انسان متخلف عقليا لا يمكن تعليمه أو الأستفادة منه فى أى شىء , وده بيخلى تعامل الكل معاه متلخص فى أحد شعورين , اما الشفقة واعتباره شخص عاجز ضعيف , أو الرفض والتوبيخ والقسوة عليه واعتباره عبء على أسرة أو مجتمع ( مكانوش ناقصينه ) ودى التصرفات اللى بتحول الأوتيزم من عبقرى بس غريب الأطوار شوية , الى شخص عاجز عن التفاعل ومعقد وناقم على كل من حوله أو على نفسه , وللأسف ده بيدفع بعضهم للأنتحار وهما مراهقين أو شباب , يمكن محدش مننا عارف ان فيه علماء ومشاهير كتير جداااا مصابين بالتوحد , بيل جيتس , الكاتب الأمريكى الساخر مارك توين , أدولف هتلر القائد الألمانى الشهير , البريت أينشتين عالم الرياضيات الشهير , توماس أديسون مخترع المصباح الكهربى , بيتهوفن الموسيقار الشهير وكذلك موزارت , لويس كارول كاتب اليس فى بلاد العجائب وغيرها , مايكل انجلو الفنان التشكيلى المعروف , غير سلسلة طويلة من الممثلين والمخرجين والمطربين المشاهير جدااا اللى محدش واخد باله انهم أوتيزم !! الخلاصة ان الشخص المتوحد لو اتربى واتعلم واتوجه بشكل صحيح هنكتشف انه عبقرى يحسد على عبقريته , ولو كل أطفالنا المصابين بالتوحد حصل معاهم ده هنكتشف بعد كام سنة ان عندنا الاف من العباقرة والمبدعين فى كافة المجالات , لكن للأسف المطالبة بده فى بلد ظروفها بتقضى على ذكاء الطفل العادى , وفيها الاف العلماء والمخترعين اكتشفوا فى الآخر انهم فى بلد عمر اختراعاتهم واكتشافاتهم فيها ما هيبقى لها مصير غير الحبس فى درج بين التراب والصراصير والفيران , المطالبة بده نوع من الحلم المبالغ فيه , أو ببساطة شطحات الخيال !!