فى غرفة لا ترى الشمس أو النور تحت بير السلم ليس لها شبابيك يعيش بدر عبد الفتاح أحمد البالغ من العمر 72 عاما وزوجته البالغة من العمر 54 عاما بمعاش 451 جنيها فقط لا غير.
عم بدر مع محرر اليوم السابع
عم بدر يعيش برئة واحدة مصابة بمياه عليها ويعانى تليف فى الكبد وارتفاع فى سكر الدم وهبوط فى القلب يقطن فى 9 شارع أبناء سوهاج المتفرع من ترعة عبد العال من شارع العشرين فيصل.
يحكى عم بدر مأساته لـ"اليوم السابع" فيقول: "أنا كنت بشتغل سباك وكانت الدنيا ماشية معايا والحمد لله صحيح ما كنتش بشتغل كل يوم بس ما كنتش بحتاج حاجة وكنت مكفى نفسى من حوالى 18 سنة كدة لقيت نفسى مش قادر أشتغل فتوقفت عن العمل فى السباكة ولمعرفتى بالمنطقة جيدا بدأت أعمل كسمسار ولكن مع زيادة المرض بقيت مش بقدر أمشى كتير ولا أطلع سلالم توقفت عن العمل فى 2007 تقريبا".
تقرير طبى
ويضيف عم بدر: "قدمت على معاش شئون اجتماعية وبدأت أصرفه فى 2008 كان 120 جنيها ولكن الآن وللأمانة أصبح معاشى 451 جنيها، أنا عندى 3 بنات كلهن متزوجات وفى بيت أزواجهن لكن حالة أزواجهن على قدهم".
ويتابع عم بدر: "زوجتى قعدت فترة تساعدنى فكانت تعمل طباخة هى اللى بقيالى فى الحياة، ولكن مع تقدمها فى العمر أصبحت هى الأخرى غير قادرة على العمل منذ 4 أعوام، كما أننى أصبحت فى حاجة لها دائما".
وعن مصاريف العلاج يقول عم بدر: "أنا بصرف علاج السكر على نفقة الدولة أما علاج الكبد وعملية البذل فأنا بشتريهم على نفقتى، بشترى علاج فى الشهر بـ180 جنيها وبحتاج عملية بذل كل 25 يوما بـ100 جنيه وبدفع إيجار الغرفة 170 جنيها شهريا، ده غير المية والكهرباء، طبعا معاشى مش بيكفى ولولا أهل الخير ما أعرفش كنت هعمل ايه هما بيساعدونى وبيشتروا لى العلاج كل شهر ، أما الكهرباء والمية فأنا بوفرهم من الأكل وساعات مش بقدر ادفع أنا عليا 4 شهور كهرباء ما دفعتهمش".
ويؤكد عم بدر: "مش محتاج أكتر من إن العلاج يبقى كله على نفقة الدولة وشقة إن شالله أوضة وصالة بس تشوف الشمس ويدخلها الهواء".
للتواصل مع الحالة: 01283848081
صورة البطاقة
غرفة عم بدر
عم بدر مع محرر اليوم السابع
طلب فحص
تقرير طبى
مدخل الغرفة
الغرفة من الخارج
تقر ير طبى
تقرير طبى
عم بدر مع محرر اليوم السابع
تم أضافة تعليقك سوف يظهر بعد المراجعة