علق الإعلامى خالد أبو بكر، على التدوينة الغامضة التى كتبها الدولى المصرى محمد صلاح، لاعب ليفربول الإنجليزى عبر حسابه على "تويتر"، قائلا: "يا جماعة ابن بلدكم اللى الإنجليز بيغنوا باسمه بيشتكى من حد، والمفروض لاعب الكرة اللى بيؤدى عمل مبنى على الإبداع، لازم يكون فى حالة معنوية مرتاحة، علشان يحقق المجد، والسؤال مين اللى زعل محمد صلاح؟ وهل محمد صلاح يستاهل الزعل؟ وهل هنسكت على زعل محمد صلاح؟".
وأضاف أبو بكر، خلال تقديمه برنامج "الحياة اليوم" المذاع عبر قناة الحياة: "مين فى العالم من استراليا لأمريكا يزعل محمد صلاح.. ومين فى مصر يرضى بزعل محمد صلاح.. واللى زعل محمد صلاح بناء على تصريحات وزير الشباب والرياضة حد فى الكورة.. وزير الشباب قال محمد صلاح بيمثل بلده خير تمثيل.. طب بتزعلوه ليه.. بتزعلوه لدرجة إنه يكتب على تويتر".
واستكمل: "محمد صلاح لو كتب كلمتين على تويتر العالم كله بياخدهم.. دا لو ترامب نفسه زعلوا المصريين مش هيرحموه.. محمد صلاح كتب 15 كلمة على تويتر قلبوا العالم"، متابعًا: "من منكم غنى له الإنجليز فى تاريخنا المعاصر.. من منا يقلده الأطفال فى المنازل والشوارع؟!.. بنتكلم عن صورة الإسلام والخطاب الدينى.. وزير الأوقاف وكام وزير أوقاف قبله وبعده هيعرفوا يوصلوا للإنجليزى اللى بيركع زى ما صلاح بيركع؟ هيعرفوا يخلوا الإنجليز يألفوا أغنية عن سماحة الدين الإسلامى؟ أرجوكم.. أليس فينا عاقل؟".
عدد الردود 0
بواسطة:
يارب وفقة لكل الخير
السيد / الفاضل المحترم
بلدى الرجاء احتام الجميع فكل فترة يرسل اللخ من مصر اناس يثيرون الاحترام لنا بين العالم رحم الله سيدنا وامامنا الشيخ الشعراوى ومن مجال العلم الدكتور المرحوم المحترم احمد زويل والدكتور مجدى يعقوب واناس كثيرون والان السيد الفاضل المحترم / محمد صلاح فى مجال مختلف ولكنة قدوة حسنة لابنائنا ولبلدنا فاالرجاء احترامهم كل الاحترام والتقدير لكل من يحافظ ويدعمهم شكرا للجميع
عدد الردود 0
بواسطة:
شكرى
الشجرة المثمرة
على فكرة الاخ الفاضل لاعب الكرة العالمى محمد صلاح أرجو ألا يغضب من اى حاقد أوحاسد لأنه فى المثل عندنا يقولون الشجرة المثمرة تقذف بالحجارة وهذة هى ضريبه النجاح