تلقى أهالى حارة البرقوقية بشارع الخرنفش بمنطقة الجمالية بحى الحسين، خبر فوز الرئيس عبد الفتاح السيسى لفترة رئاسية ثانية بفرحة عارمة، ووجهوا له الرسائل المحملة بأرق التهانى، فقالت صباح أحمد من سكان الحارة "إحنا عرفينك ياريس وقلبنا بيحبك، وألف مبروك ويا رب دايما تبقى رئيسنا أحنا عاوزين نشوفك".
وقال حمادة دياب صاحب مطعم بحارة البرقوقية "ألف مبروك ياريس والله يعينك على الجاى"
أما أم محمد من سكان الحارة فقالت للرئيس "ألف مليون مبروك ياريس ربنا يعينك على البلد، وربنا يجعلك وش السعد علينا". وقال محمود عبد الفتاح "ياريس يا ابن الجمالية يابن منطقة المشهد الحسينى ألف مليون مبروك وعقبال ما تبقى رئيس لمدة 40 سنة مش 4 سنين كمان وبس، أنت الخير والبركة أنت الأسد أنت الوحش".
وهنأه محمد إبراهيم قائلًا" ألف مبروك ربنا يعينك وياريت ياريس تبص للصناع والعمال والشغالين، احنا معاك وبنأيدك، كفاية أنك ظبطت البلد وعمل مشاريع كتير ربنا يصلح حالك ياريس".
ودعت للرئيس عبد الفتاح السيسى إحدى مسنات حارة البرقوقية قائلة "ربنا يحميك ويخليك لينا ويكفيك شر ولاد الحرام ويصلح حالك ويخليك لينا ياريس يارب". وقال آخر "مبروك ياريس ومزيد من الإنجازات ودمت لشعب مصر".
تم أضافة تعليقك سوف يظهر بعد المراجعة