نسبة كبيرة من الأمهات يتوقفن عن الرضاعة الطبيعية بمجرد مرور سنة من عمر الطفل، نظرا للاعتقاد السائد أن اللبن يكون غير كاف ويشبه المياه وليس له فائدة.
وفى السياق ذاته، قال الدكتور محمد زنون، أستاذ طب الأطفال وحديثى الولادة، بجامعة الأزهر، فى تصريحات خاصة لـ"اليوم السابع" إن لبن الأم فى أواخر السنة الثانية من الرضاعة الطبيعية يحتوى على مواد مضادة للأكسدة والشيخوخة ، كما أنه مسئول أيضا عن الذكاء والقدرة المعرفية.
وأشار "زنون" إلى أن نسبة كبيرة من الأمهات والأطباء أيضا يعتقدون أن لبن الأم بعد السنة الأولى ليس له أى فائدة لكن العكس صحيح، حيث أكدت العديد من الأبحاث على احتوائه على مواد تغذى خلايا المخ المسؤلة عن الذكاء والمعرفة.
عدد الردود 0
بواسطة:
بنت مصرية
حكمة ربنا !!
مفيش حاجة أيا كانت جودتها ممكن توصل لصنع الخالق عز وجل , لأنه الأعلم بخلقه , ومن معجزات لبن الأم ان تركيبه ومحتواه من المواد الغذائية والعناصر بيتغير ويختلف تبعا لعمر الطفل اللى بيرضع , بداية من يوم ولادته لحد سن سنتين , بحيث ان لبن الأم يوفر للطفل ديما احتياجاته الغذائية والصحية , لبن الأم بعد أول سنة من الرضاعة مش هو نفسه اللبن اللى نزل للطفل أول ما اتولد , دا تركيبه اتغير وبقى متوافق مع عمر الطفل , محدش كمان ممكن ينخيل ان درجة حرارة اللبن كمان بتختلف تبعا للظروف الجوية , يعنى بيكون دافىء فى الشتا وبارد فى الصيف , علشان الطفل يستسيغه ويستمتع بيه فى البرد وفى الحر !! فيه أبحاث ودراسات أثبتت أن الأطفال اللى بيرضعوا طبيعى لحد عمر سنتين كاملين أقل عرضة للأصابة بالسكر , ومعدل ذكائهم وتطورهم الأدراكى والحسى والحركى أعلى من الأطفال اللى بيرضعوا صناعى !! مناعتهم ومقاومتهم للأمراض أعلى , معدل اصابتهم بأمراض الربو والحساسية بأنواعها أقل , وده اللى خلى كافة الجمعيات الطبية العالمية توصى بالرضاعة الطبيعية , وتحذر من الصناعية بدون أسباب , لأن الرضاعة الصناعية اتعملت أصلا للحالات اللى فيها الأم متقدرش ترضع طبيعى لأنها مريضة , أو فى حالات وفاة الأم , انما طالما الأم سليمة وقادرة على الرضاعة الطبيعية يبقى مفروض حفاظا على صحة طفلها وصحتها هى كمان ترضعه طبيعى !!