كشف أحمد خيرى، المتحدث الرسمى باسم وزارة التربية والتعليم، تفاصيل الدراسة بالمرحلة الابتدائية فى النظام الجديد للتعليم، قائلا: "إن جميع المدارس الحكومية العادية سوف تدرس جميع المواد باللغة العربية من "كى جى وان" حتى الصف السادس الابتدائى، بالإضافة إلى دراستهم مواد اللغة الإنجليزية والتربية الدينية ومادة "البى إيه" الخاصة بالأنشطة.
وأضاف خيرى، فى تصريح خاص لـ" اليوم السابع"، أن مدرس واحد سيقوم بتدريس جميع هذه المواد، مشيرًا إلى أنه فى النظام التعليمي الجديد، لن توجد مواد منفصلة مثل العلوم والرياضيات، بمعنى "كله هيبقى حاجة واحدة يشتغلوا عليها".
وتابع:" أما بداية من الصف الأول الإعدادى سيتم تحويل دراسة مادتى الرياضيات والعلوم من اللغة العربية إلى الإنجليزية، بالإضافة إلى دراسة مادة اللغة العربية والتربية الدينية".
و عن تأهيل الطلاب في هذه المرحلة للدراسة باللغة الإنجليزية في المرحلة الإعدادية، أوضح أنه طوال 8 سنوات بداية من رياض الأطفال حتى الصف السادس الابتدائى سيكون هناك دراسة للغة الإنجليزية بطريقة لها صلة قوية بدراسة العلوم والرياضيات.
وبالنسبة لمدارس اللغات، أكد أنه سيكون العكس، حيث سيدرس الطلاب المواد متجمعة، اللغة الانجليزية من رياض الأطفال وحتى الصف السادس، ثم الإعدادى وتكون مادة اللغة العربية مادة بمدرس منفصل لأهميتها.
عدد الردود 0
بواسطة:
محمد على
وفين المدرسين المؤهلين
ولو فيه مدرسين فين الطلبة اللى هيستوعبوا .. التلاميذ اصلا مش بيقرأو ولا بيكتبوا عربى !!!!!!
عدد الردود 0
بواسطة:
ام يحيى
خراب التعلييم
على ايدك ايها الوزير انت فاهم انت بتقول ايه انت جربت الى انت بتقول عليه ده قبل ما تطبقه
عدد الردود 0
بواسطة:
مصري
الوزاره بتهلب
تحياتي للاخ محمد علي, وفين المدرسين المؤهلين هذه نكته جديده لما الطلبه يعرفوا عربي يبقي ندرسهم المواد بالانجلش مثل ما بيقولوا ابني قبل في تجاره انجلش. وزاره التربيه بتهلب الكلام ده ممكن بعد 10-15 سنه والناس دي واضعه جدول لنفسها علشان تستمر في الوزاره حتي 20 سنه قادمه ولن تفيد الطلاب حاليأ لان المدرسون غير مؤهلين والطلبه ايضأ
عدد الردود 0
بواسطة:
مشمش
لابد من تقديم الشكر لهذا الوزير...فى اقرب تغيير وزارى
هى الطلبه بتفهم العلوم ( كبميا واحياء وفيزيا ) والرياضيات باللغه العربىه.😎😎 عشان يفهموها بالانجليزى
عدد الردود 0
بواسطة:
محمد عوض
مطلوب تغير الوزير
لازم نعرف المشكلة ليست فى تطبيق مواد بانجليزى علشان الطالب يتعود على دراسة انجليزى محتاج من الصغر قبل كدة طور من المدرس طور المدارس قلل كثافة الفصول اهتم بالمدرس رجع الانتباط للمدرسة قلل نسبة الغياب
عدد الردود 0
بواسطة:
محمود
بالمرة كمان!!
ندرس العربى بالانجليزى حتى لا يزعل مدرسى العربى ويشتغلوا هم كمان !!!هل يعلم ان القانون ينص على ان المدارس التجريبى وهى التى يدرس بها العلوم والرياضيات بالانجليزى يحصل المدرس على ضعف الراتب ؟؟هل استعد لذلك على كل المدرسيين وهل يعلم ان العام الماضى مدارس اللغات والتجريبى كلها على مستوى الثانويه العامه رغم ان شهادتهم بالانجليزيه فى تدريس العلوم وعدد الطلاب كان ٥٠٠الف طالب لم يجاوب امتحان الجيولوجيا بالانجليزيه الا١٧طالب فقط!! يجب ان تكون القرارات واقعيه وليست منظرة
عدد الردود 0
بواسطة:
محمد
كلام الوزير صح جدا جدا ومنطقى
مع احترامى للناس هو مش اعتراض وخلاص بس لو رحنا مدرسة انترناشونال ونكع فيها قد كده وقالوا ريان يا فجل هنمشى وراهم بنفس راضية بلاش التفكير ده
عدد الردود 0
بواسطة:
محمد
خلى عندنا جراة للتغيير
فيها ايه لما الطلبة يدرسوا الرياضة والعلوم باللغة الانجليزية من اعدادى هو عاجب حضراتكم مستوانا فى اللغة الانجليزية وغيرها من اللغات واحنا فى السن ده القرار ده اتاخر من زمان اوى وبعدين على المدرسين المؤهلين النظام هيبتدى من اول ابتدائى ولما يوصلوا للاعدادي هتكون فترة كافية جدا جدا لاعداد مدرسين مؤهلين
عدد الردود 0
بواسطة:
اشرف زكى
المزج يحقق المعادلة الصعبة
ان فكرة تحويل كافة العلوم باللغة الانجليزية فى بلد اغلب سكانه يكادوا لا يفقهون العربية ( الفصحى ) ومستوى الدخل لايسمح لهم برافهية التعليم اصلا .. اعتقد ان الحل هو فى مزج العربية مع الانجليزية فى العلوم المعرفية لتسهيل الاستيعاب مثل ان يكون الشرح والتوضيح بالعربية واسماء الاجزاء والمصطلاحات بالانجليزية .. كما انا مع كتابة الارقام بالعربية على شكل 1,2,3 وليس بالشكل الحالى حيث ان تلك الارقام هى هندية الاصل .. وانا اعتقد ان تلك الطريقة ستكون افضل واقوى لتأقلم التلاميذ مع تلك العلوم وتسهل وتمهد لانتقالهم للمرحلة الجامعية واندماجهم مع العالم من حولهم