استقر اتحاد الكرة على تجميد ملف المفاوضات مع هيكتور كوبر المدير الفنى للمنتخب، فى ظل وجود حالة من الانقسام بين الأعضاء حول مصير الخواجة خاصة بعد نتيجة مباراتى المنتخب أمام البرتغال واليونان والخسارة أمامهما.
ورغم أن إتحاد الكرة كان قد بدأ مرحلة "جس نبض" الخواجة الأرجنتيني لتجديد عقده مع الفراعنة بعدما قاد المنتخب للمونديال بعد غياب 28 عامًا إلا ان أصواتًا في اتحاد تراجعت وطالبت بتجميد التفاوض مع المدير الفني للمنتخب بسبب النتائج غير المُرضية للفراعنة في مباراتي البرتغال واليونان.
يتواجد منتخب مصر فى المجموعة الأولى حيث يبدأ الفراعنة مبارياتهم بمواجهة الأورجواي يوم 15 يونيو ثم روسيا يوم 19 والسعودية يوم 25 من نفس الشهر على أن يتأهل الأول والثانى من المجموعة لدور الـ16.
عدد الردود 0
بواسطة:
علاء
كلام محبط ومش وقته
يا جماعة علي أساس يقولك هانوقف التجديد معها، يبقى أعضاء اتحاد الكورة اللي مش متفقين علي التجديد معاه لا مؤاخذة مش بيفهوموا كورة، لان لما تقيم اداء مدرب منتخب مصر على مبارتين وديتين بيجرب فيها لعيبة عشان يشوف هايعتمد على مين ومش هايعتمد على مين، وعشان ياخد قرارات في المبارايات الودية اللي جاية بخصوص تثبت التشكيل بقى، وكمان هشان يسكت أمثال الناس ومنهم بعض اعضاء اتحاد الكورة اللي هايقولوا في حالة إنه ما جربش اللعيبة الجديدة اللي واخدها ومع أول خسارة للمنتخب المصري في كاس العالم، هايقولوا "ماهو معتمدش على اللعيبة الجديدة اللي واخدها معاه او يقولك ماهو مجددش دماء الفريق"، لكن كوبر عمل كده عشان يخرس السنة الناس اللي ممكن تنتقده لو خسر، وبعدين ازاي تغفل دور الراجل اللي صعدك كاس عالم ووصلك لنهائي افريقيا مش مجرد انك تلعب امم افريقيا زي ما اتفقت معها لما جبته، معقولة تسيب كل ده وتمسكلي ماتشين وديين بيجرب فيهم لعيب، صحيح انتم ايدكم في المية ودماغكم في الفنادق الفارهة التي بتقيموا فيها، وفي الرحلات اللي بتطلعهوا وفي .... ولا بلاش.
عدد الردود 0
بواسطة:
چورچ ميخائيل
المعاملة الحسنة
أعضاء منقسمين فلابد ان يسقطوا.....هو ده اللي فرحنا كلنا اسمه كوبر....هل الراجل يستاهل ان نتقاسم علي تجديد العقد ولا لأ......
عدد الردود 0
بواسطة:
منين نجيب الصبر؟
استاذ علاء بعد التحية--كلامك كلة تمام--بس أنت مش معانا بأنة مدرب عنيد وهيلبسنا فى الحيط
أليس هناك لاعيبة أفضل بكثير من بعض اللاعبين الموجودين الان بس هو مش مستلطفهم لاسباب عندية شخصية --صدقنى بهذة الطريقة العقيمة هتبقى فضيحتنا بجلاجل وحظة وحظنا من السما أن أحنا وقعنا فى مجموعة تعبانة مع كامل احترامى لهم جميعا بس المعطيات الحالية بتقول كدة بمعنى سنعبر من خلالها الى دور ال16 سنهزم روسيا والسعودية واحتمال الاوروجواى او نتعادل معها دة اذا لم نهزم منها--يا فرحتى طب هنعمل أية مع الفطاحل الباقيين--بالشكل دة هتبقى راسنا فى الطين--عموما الاختلاف فى الرأى لا يفسد للود قضية فكل الاراء المتفقة والمخالفة تصب فى صالح الوطن--مع فائق تحياتى
عدد الردود 0
بواسطة:
Fady Nagiub
مفيش تفكير
المباريات ودية ليه مش علشان اجرب اللاعيبة الجديده ولم جربتش فى المباريات الودية هجرب فى الرسمية الارجنتين خسرت 6 فى المباريات الودية معملوش كدا بلد كوبر
عدد الردود 0
بواسطة:
مصرى
مجلس مش فاهم كورة
الراجل بيجرب لاعيبة فى ماتشات دولية لان الدورى بتاعنا ضعيف وفعلا اثبت امهم لاهيبة محلية - يعنى الراجل الى فرحنا وطلعنا كاس العالم مستريح ووصلنا لنهائى افريقيا بمجموعه لاعيبة ضعيفة جدا ماعدا صلاح لا خط دفاع ولا وسط ولاهجوم - يعنى بتقارنوة بجيل زيدان وشوقى وميدو وتريكة وجمعه ومتعب ومع ذلك الجيل دة ماوصل كاس العالم ولا مرة شكرا كوووبر سبب فرحتنا ولمتنا
عدد الردود 0
بواسطة:
ae
كده افضل
كل دول العالم بتتعاقد مدة من كأس العالم الى كاس عالم فقط الا المانيا وطبعا دول ناس وحشة جدا ... شوفوا يا سادة المنتخب بيحظى باهتمام مؤسسات الدولة واى مدرب لازم ينجح بكل هذا الاهتمام من فضلكوا دى مرحلة وهتنتهى بعد كأس العالم ... عاوز اقول حاجة للمهندس ابو ريده يا كابتن لولا مصر ومؤسساتها مكنتش وصلت اللى انت فيه لما مصر تطلب منك شئ لازم يكون اضعاف اضعاف اللى انت اخدته منها املنا فيك كبير يا كابتن ... حاجة تانية مش معقول الجميع بشييد بمحمد صلاح واللى بيعمله وبعض اعضاء الاتحاد وتعاملهم مع شركات الراعية واستوديوهات التحليل .
عدد الردود 0
بواسطة:
نبيل حسن
كوبر مدرب فاشل وجت معاه بالحظ وبالاعيبة
مجموعة مصر في تصفيات افريقيا كانت مجموعة ضعيفة مع وجود بعض الاعبين المحترفين المميزين في اوربا مكنش دة حصل واذا استمر الوضع علي ما هو عليه سوف نتدمر تماما في كاس العالم وانا ارشح الكابتن حسام البدري مدرب النادي الاهلي يمسك المنتخب حتي لو خلال الفترة دة بعد ان تأكدنا من حصول الاهلي علي بطولة الدوري العام وسوف ينتهي كاس العالم قبل بداية الدوري الجديد في اغسطس القادم فكروا بسرعة الراجل دة دماغة نضيفة فعلا فعلا فعلا
عدد الردود 0
بواسطة:
محمد
هناك فرق !
هناك فرق بين تجريب اللاعبين و إدارة المباريات ومعرفة قدرات الفريق المنافس و ظهر جليا عدم جدارة كوبر وخاصة فى إدارة المباريات و الشواهد كثيرة من الكاميرون للبرتغال لليونان ...ولابد من اتخاذ قرار سريع وعدم المماطلة !