.jpg "جحود الآباء.. عامل يقتل ابنته لطلبها \"كيس شيبس\"")
"الأسرة المترابطة هى عماد الوطن، فإذا هدمت الأسرة هدم الوطن، فلا شفاعة لمن يهدم وطنا باسم الأسرة، ولا شىء أقسى أن تهدم أسرة بيد قائدها"، عبارات قصيرة بدأت بها محكمة جنايات القاهرة حيثيتها فى الحكم بالسجن المشدد على قاتل ابنته بمصر القديمة.
تعود القصة التى هزت أرجاء منطقة مصر القديمة، لطلب الطفلة "ندى" 9 سنوات، من أبيها شراء كيس "شيبسى"، الأمر الذى قابله الأب برد فعل عنيف بضرب طفلته، فازداد بكاء الطفلة التى ظنت أن بكاءها قد يشفع لها فى قلب الأب، إلا أنه استعان بعصا حديدية وانهال على فلذة كبده ضربآ، حتى صعدت روحها إلى بارئها.
اعترف الأب أمام النيابة العامة، بارتكاب جريمته قائلا: " أنا مكنش قصدى اقتلها، كنت عايز اسكتها وبس، مش معايا فلوس أجيبلها شيبسى، أجيب منين يعنى، أهى ماتت وراحت للى خالقها هو أولى بيها منى، أحبسونى أو اقتلونى مش عايز حاجة من الدنيا".
واستطرد الأب خلال تحقيقات النيابة: "أنا مش ندمان على اللى عملته، ما هى كده كده كانت هتموت من الجوع، فماتت قبل ما تحس بالجوع وأموت أنا من الوجع، هى فى مكان أحسن دلوقتى"، مؤكدا أنه لم يقصد أبدا قتل ابنته أو إيذائها بأى شكل كان.
وعاقبت محكمة جنايات القاهرة المنعقدة بالتجمع الخامس، المتهم رمضان حسن عامل بالسجن المشدد 7 سنوات لاتهامه بضرب ابنته الطفلة حتى الموت بدائرة قسم مصر القديمة.
صدر الحكم بعضوية المستشارين مصطفى معوض، ومحمد عمارة، وهشام الدرولى، وأمانة سر محمد طه وتامر حماد.
وأسندت النيابة للمتهم رمضان حسن محمد جاد عامل تهمة ضرب المجنى عليها ابنته الطفله ندى، مع سبق الإصرار والترصد، بأن عقد العزم وبيت النية على التعدى عليها، وما إن ظفر بها قام برطمها بحائط المسكن محل الواقعة، وأعقب ذلك ضربها بعصا فأحدث بها الإصابات التى أودت بحياتها ولم يكن قاصدا من ذلك قتلها، لكن الضربات أفضت إلى موتها.
عدد الردود 0
بواسطة:
اشرف الدسوقى
لا حول ولا قوة إلا بالله
ربنا رحمها منك ومن بطشك ... الصبر والسعي والأمل مفتاح الفرج ... لكنها رسالة لكل صاحب مال بأن يتقي الله ويدفع صدقات وزكاة أمواله لأن الفقراء يقتلون بعضهم بعضاً بسبب الفقر وبسبب عدم حصولهم علي حقوقهم التي شرعها الله لهم " والذين في أموالهم حق معلوم للسائل والمحروم "
عدد الردود 0
بواسطة:
محمد حسن
"و لا تقتلوا اولادكم خشية املاق نحن نرزقهم و اياكم ان قتلهم كان خطئا كبيرا "
لا حول و لا قوة الا بالله و ان لله و ان لله لراجعون.
عدد الردود 0
بواسطة:
عمرو
الفقر والمرض
اللهم انك عفو كريم تحب العفو فَاعْفُوا عنا
عدد الردود 0
بواسطة:
heasham
كالذى حرق نفسه من شدة الاحتياج والغلاء
البنت ان شاء الله في الجنة الله يرحم الاب المسكين الذى قتل فلذه كبده بدون قصد من شدة الاحتياج والغلاء كالذى احرق نفسه او انتحر من قسوة المعيشة فاليرحمه الله ويرحمنا جميعا
عدد الردود 0
بواسطة:
عز الدين الشرقاوى
ضعف الايمان بالله
و ما من دابة فى الارض الا على الله رزقها و قال سبحانه ايضا و لا تقتلوا اولادكم خشية املاق نحن نرزقكم و اياهم و فى ايه اخرى نحن نرزقهم و اياكم فلاسف ضعف ايمان هذا الشخص جعل الشيطان يسيطر عليه و افقده صوابه تجاه ابنته و فلذه كبده حتى و ان لم يكن معه مال ليعطيها على الاقل يعطف عليها بكلمة طيبة و يتذكر ابوته لها هذا كان افضل من التسرع و القسوة بان يقتل ابنته
عدد الردود 0
بواسطة:
محمد جمال
هو فين الاب
دا مهما يكون فيه غلاء فى مصر وبطاله مفيش راجل فى الدنيا كلها موش عارف يجيب 2 جنيه وكيس الشيبسى عمره زى مافيه ب 10 جنيه فيه بجنيه ربنا ينتقم منك يا اخى اهو انت مين ايل عايز ينام ويقوم الصبح ويلاقى جنبه علبة سجاير مارلبورو و50 جنيه يهمبك بها فى القهوه دا ربنا حرمك من نعمه انت ما تستهلهاش ربنا يصبر امها
عدد الردود 0
بواسطة:
أبكي علي قسوه القلوب
ايه اللي بيحصل في الناس
ايه اللي بيحصل في الناس والدنيا اذا حاسس الواحد ان مقدرته الماليه لا تسمح بتربيه ومصاريف حتي عيل واحد حرام تخلفوا عيال انتم مش قادرين علي اطعامهم وتعليمهم وعلاجهم وخلافه . تحديد النسل افضل من ان تنجب عيال وتقتلهم ذنبهم في رقبتك. ولكن المأساه الاخري في اسوان عندما قتل أب أبنته علشان بتعمل دوشه ومش قادر ينام سعادته المجرم السفاح, نام براحتك يا مجرم
عدد الردود 0
بواسطة:
عبدالله
اخطأ ولكن
هي ماتت خلاص علشان منكررش الغلط لازم نتعامل كويس يعني ايه اللي يوصل حد انه يمسك حديدة ممكن يفهمها بالراحة انه مش معاه فلوس او يطبطب عليها ويوعدها انه هيجيبلها اللي عايزاه او يفهمها انه مضر بالصحه ويا ما ناس تعبت منه ..دا فعلا لو مش معاه فلوس اما بقى لو كان معاه فلوس ومخلصها على الحشيش والمخدرات والسجائر لدرجة الادمان اللي وصلته انه يعمل كدا في بنته فدا بصراحة مفروض يعاقب عقابين مرة على شربه للمواد المخدرة ومرة لاذي بنته
عدد الردود 0
بواسطة:
متولى سعيد
نتيجة طبيعية لزواج شخص غير مسؤول و غير قادر مادياً
مستنين إيه من شخص وافق على انه يخلف طفله و هو عارف انه مش حيقدر يصرف عليها؟ طبيعي جدا انه يعيش حياة بائسة و تعيسة و اعصابه على نار دايماً! لو كنت احترمت نفسك و عرفت مقدرتك و انك مش قد مسؤولية الانجاب لكان حالك افضل
عدد الردود 0
بواسطة:
متفرقش
حسبى الله ونعم الوكيل
السجن المشدد المفروض ل اللى كان السبب في اللى الناس فيه من غلا وفقر حسبنا الله ونعم الوكيل